- Абынмазлыкъ аякъ джокъ, джангылмазлыкъ джаякъ джокъ.
- Айраннга суу къош, телиге джол бош.
- Чакъырылмагъан джерге барма, чакъырылгъан джерден къалма.
- Ач къарынны, токъ билмез
- Джол бла сёзню къыйыры джокъ.
- Ханнга да келеди хариблик.
- Тамбла алтындан бюгюн багъыр ашхы.
- Тюзлюк шохлукъну бегитир.
- Айтхан сёзюне табылгъан.
- Эли джокъну – кёлю джокъ.
- Аш кетер да бет къалыр.
- Джарлыны тону джаз битер.
- Аман хансны – урлугъу кёб.
- Къозулугъунда тоймагъан, къойлугъунда тоймаз.
- Ашыкъгъан cуу, тенгизге джетмез.
- Ханы къызы буюгъа-буюгъа киштик болду.
- Айырылмаз джууугъунга, унутмаз сёзню айтма.
- Келлик заман – къартлыкъ келтирир, кетген заман – джашлыкъ ёлтюрюр.
- Джюрек кёзден алгъа кёрюр.
- Окъ къызбайны джокълайды.
- Тели турса – той бузар.
- Акъылсызны джууукъгъа алма, акъыллыны кенгнге салма.
- Хазыр ашха – терен къашыкъ.
- Эркиши – от, тиширыу – суу.
- Къызын тута билмеген, тул этер, джашын тута билмеген, къул этер.
- Азыкълы ат арымаз, къатыны аман джарымаз.
- Акъыллы айтыр эди, акъылсыз къоймайды.
- Ойнай билмеген, оюн бузар.
- Соргъан айыб тюлдю, билмеген айыбды.
- Аз сёлешген, къайгъысыз турур.
- Чабар ат – джетген къыз.
- Босагъа таш юйге кирмей эди, тыбыр таш эшикге чыкъмай эди.
- Таш бла ургъанны, аш бла ур.
- Тёрдеги кюлсе, эшикдеги ышарыр.
- Ёлген аслан – сау чычхан.
- Къулакъдан эсе, кёзге ышан.
- Чакъырылмай келген къонакъ сыйланмай кетер.
- Босагъагъа джууукъ орун болса, ашыгъыб тёрге озма.
- Джашлыкъ этмеген, башлыкъ этмез.
- Адам сёзюнден белгили.
- Къызбайны юйюне дери сюрсенг, батыр болур.
- Ётюрюкден тюбю джокъ, кёлтюрюрге джиби джокъ.
- Джюз элде джюз ёгюзюм болгъандан эсе, джюз джууугъум болсун.
- Ёзденликни кёбю ётюрюк.
- Кийимни бичсенг, кенг бич, тар этген къыйын тюлдю.
- Къан бла кирген, джан бла чыгъар.
- Нафысынгы айтханын этме, намысынгы айтханын эт.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Тойгъан антын унутур.
- Ачылгъан эт джабылыр, кёрген кёз унутмаз.
Nuristan
|