Войти на сайт
29 Марта  2024 года

 

  • Керек ташны ауурлугъу джокъ.
  • Хансыз джомакъ болмаз.
  • Таукел тауну аудурур.
  • Сескекли кесин билдирир.
  • Кёлсюзден сёзсюз тууар.
  • Аллахдан тилесенг, кёб тиле.
  • Этни да ашады, бетни да ашады.
  • Ариу джол аджал келтирмез.
  • Джылкъыдан – ат чыгъар, тукъумдан – джаш чыгъар.
  • Ач келгенни – тойдур, кеч келгенни – къондур.
  • Татлы тилде – сёз ариу, чемер къолда – иш ариу.
  • Телиге акъыл салгъандан эсе, ёлгеннге джан салырса.
  • Аууз сакълагъан – джан сакълар.
  • Ата – баланы уясы.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Къаллай салам берсенг, аллай джууаб алырса.
  • Окъуу – билимни ачхычы, окъуу – дунияны бачхычы.
  • Аш кетер да бет къалыр.
  • Тас болгъан бычакъны сабы – алтын.
  • Бичгенде ашыкъма, тикгенде ашыкъ.
  • Чоюнну башы ачыкъ болса, итге уят керекди.
  • Аман киши кеси юйюнде – къонакъ.
  • Джумушакъ терекни къурт ашар.
  • Сабийликде юретмесенг, уллу болса – тюзелмез.
  • Тёрени джагъы джокъ.
  • Эринчекни аурууу – кёб.
  • Эл ауузу – элек, анга ийнаннган – халек.
  • Джюз элде джюз ёгюзюм болгъандан эсе, джюз джууугъум болсун.
  • Булут кёкге джарашыу, уят бетге джарашыу.
  • Къолу уллу – асыу, аягъы уллу – джарсыу.
  • Бойнуму джети джерден кессенг да, мен ол ишни этеллик тюлме.
  • Айран тёгюлсе, джугъусу къалыр.
  • Чакъырылмагъан къонакъ – орунсуз.
  • Акъыллы айтыр эди, акъылсыз къоймайды.
  • Чомартны къолу берекет.
  • Акъыллы – эл иеси, тели – эл баласы.
  • Джарлыны тону джаз битер.
  • Чомартха хар кюн да байрамды.
  • Экеулен сёлеше тура эселе, орталарына барыб кирме.
  • Джаш болсун, къыз болсун, акъылы, саны тюз болсун.
  • Юй кюйдю да, кюйюз чыкъды, ортасындан тюйюш чыкъды.
  • Къарыусузгъа кюлме, онгсузгъа тийме.
  • Аман хансны – урлугъу кёб.
  • Махтаннган къыз, тойда джукълар.
  • Аякъларынгы джууургъанынга кёре узат.
  • Хар адамгъа кеси миннген тау кибик.
  • Ушамагъан – джукъмаз.
  • Къуру гыбыт бек дыгъырдар.
  • Таугъа чыгъаллыкъ эсенг, тюзде къалма.
  • Ойнаб айтсанг да, эслеб айт.
О нас » Марина
Написать нам