- Келинин тута билмеген, къул этер, къызын тута билмеген, тул этер.
- Баш – акъыл ючюн, акъылман – халкъ ючюн.
- Къарт болгъан джерде, берекет болур, сабий болгъан джерде, оюн болур.
- Онгсузну – джакъла, тенгликни – сакъла.
- Бичгенде ашыкъма, тикгенде ашыкъ.
- Харам къарнашдан, халал тенг ашхы.
- Алтыда кюлмеген, алтмышда кюлмез.
- Киштикге къанат битсе, чыпчыкъ къалмаз эди.
- Кимни – тили, тиши онглу, кимни – къолу, иши онглу.
- Этни да ашады, бетни да ашады.
- Джарлы тюеге минсе да, ит къабар.
- Къалгъан ишге къар джауар.
- Ауурну тюбю бла, дженгилни башы бла джюрюген.
- Алим болгъандан эсе, адам болгъан къыйынды.
- Джол бла сёзню къыйыры джокъ.
- Кёбден умут этиб, аздан къуру къалма.
- Таукел тауну аудурур.
- Ач, тоймам, дейди, тойгъан, ач болмам, дейди.
- Джуртун къоругъан озар.
- Ойнай-ойнай кёз чыгъар.
- Адеб базарда сатылмаз.
- Билим насыб берир, билим джолну керир.
- Суу да къайтады чыкъгъан джерине.
- Къая джолда джортма, ачыкъ сёзден къоркъма.
- Урунуу – насыбны анасы.
- Ашлыкъны арба юйге келтирир, чана базаргъа элтир.
- Орундукъ тюбюнде атылсам да, орта джиликме, де да айлан.
- Дженгил джетерикме деб, узун джолну къоюб, къысхасын барма.
- Таукелге нюр джауар.
- Арбаз сайлама да, хоншу сайла.
- Тешигини къатында, чычхан да батыр болур.
- Эртде тургъан бла эртде юйленнген сокъуранмаз.
- Тас болгъан бычакъны сабы – алтын.
- Ариу джол аджал келтирмез.
- Джумушакъ сёз къаты таякъны сындырыр.
- Къарт айтханны этмеген, къартаймаз.
- Ёмюрлюк шохлукъну джел элтмез.
- Къайгъы тюбю – тенгиз.
- Ачны эсинде – аш.
- Ойнаб айтсанг да, эслеб айт.
- Акъыл къартда, джашда тюйюлдю – башдады.
- Чомартны къолун джокълукъ байлар.
- Чомарт джарлы болмаз.
- Къазанны башы ачыкъ болса, итге уят керекди.
- Къыз келсе, джумуш эте келеди, къатын келсе, ушакъ эте келеди.
- Бетинги сатма, малынгы сат.
- Джарлыны тону джаз битер.
- Байлыкъ адамны сокъур этер.
- Ачылгъан эт джабылыр, кёрген кёз унутмаз.
- Джахил болса анасы, не билликди баласы?
