Эльбрусоид :: Эльбрусоид

Адамны джюреги нени кёрюрге сюйсе, кёзю да аны кёрюрге ёч болады.
Джуртун къоругъан озар.
Тенгинг джокъ эсе – изле, бар эсе – сакъла!
Малны кют, джерни тюрт.
Терслик кетер, тюзлюк джетер.
Тенгни тенглиги джашай барсанг билинир.
Чомартны къолун джокълукъ байлар.
Аман хансны – урлугъу кёб.
Ётюрюкчюню шагъаты – къатында.
Ётюрюкню башын керти кесер.
Чакъырылмагъан къонакъ – орунсуз.
Джырына кёре эжиую.
Бойнуму джети джерден кессенг да, мен ол ишни этеллик тюлме.
Ханы къызы буюгъа-буюгъа киштик болду.
Джашны джигитлиги сорулур, къызны джигерлиги сорулур.
Джогъун бар этген, барын бал этген.
Айтхан сёзюне табылгъан.
Къралынгы – душмандан, башынгы от бла суудан сакъла.
Къызны минг тилер, бир алыр.
Арба аугъандан сора, джол кёргюзтюучю кёб болур.
Башда акъыл болмаса, эки аякъгъа кюч джетер.
Чыкълы кюнде чыкъмагъан, чыкъса къуру кирмеген.
Урунуу – насыбны анасы.
Джаханимни кёрмей, джандетге кёл салмазса.
Ач уят къоймаз.
Башы ишлегенни, ауузу да ишлер.
Тёзген – тёш ашар!
Къатын байлыкъны сюер, эр саулукъну сюер.
Джыгъылгъанны сырты джерден тоймаз.
Кёб ант этген, кёб ётюрюк айтыр.
Зарда марда джокъ.
Ишни аллы бла къууанма да, арты бла къууан.
Ашда уялгъан – мухар, ишде уялгъан – хомух.
Айраннга суу къош, телиге джол бош.
Ачлыкъда тары гырджын халыуадан татлы.
Игини сыйлагъан адетди.
Шайтан алдады, тюзлюк къаргъады.
Сёз садакъдан кючлюдю.
Эте билген, этген этеди, эте билмеген, юретген этеди!
Керилген да, ургъан кибикди.
Тёрде – темир таякълы, къаяда – чыпчыкъ аякълы.
Ана – юйню кюн джарыгъы.
Эртде тургъан джылкъычыны эркек аты тай табар.
Юй кюйдю да, кюйюз чыкъды, ортасындан тюйюш чыкъды.
Ёгюзню мюйюзлери ауурлукъ этмейдиле.
Къууут – джелге, берне – бошха.
Адамны сыфатына къарама, сёзюне къара.
Эл ауузу – элия.
Билмезни кёзю кёрмез, этмезни къулагъы эшитмез.
Акъыллы эркиши атын махтар, акъылсыз эркиши къатынын махтар.