- Сёз къанатсыз учар.
- Мени джылытмагъан кюн, меннге тиймесин!
- Байны къызы баймакъ болса да, юйде къалмаз!
- Сёз сёзню айтдырыр.
- Ёлген ийнек сютлю болур.
- Къарнынг тойгъунчу аша да, белинг талгъынчы ишле.
- Къызгъанчдан ычхыныр, мухардан ычхынмаз.
- Эллинг бла джау болсанг да, юйюнг бла джау болма.
- Намысы болмагъанны, сыйы болмаз.
- Акъдан къара болмаз.
- Олтуруб кёрюнмей эди да, ёрге туруб кёрюне эди.
- Юреннген ауруу къалмаз.
- Адамны джюреги нени кёрюрге сюйсе, кёзю да аны кёрюрге ёч болады.
- Эшекни не къадар тюйсенг да, ат болмаз.
- Адеб базарда сатылмаз.
- Тынгылагъан тынгы бузар.
- Сакъламагъан затынга джолукъсанг, не бек къууанаса, не бек ачыйса.
- Джан саулукъ бермей, сан саулукъ бермезсе.
- Эл ауузу – элек, анга ийнаннган – халек.
- Джырчы ёлсе, джыры къалыр.
- Аман адамны тепсинге олтуртсанг, къызынгы тилер.
- Алим болгъандан эсе, адам болгъан къыйынды.
- Телиге от эт десенг, юйюнге от салыр.
- Къарын къуру болса, джюрек уру болур.
- Эли джокъну – кёлю джокъ.
- Айтхан – тынч, этген – къыйын.
- От этилмеген джерден тютюн чыкъмайды.
- Ач къарным, тынч къулагъым.
- Кёзден кетген, кёлден да кетеди.
- Чыбыкълыкъда бюгюлмеген, къазыкълыкъда бюгюлмей эди.
- Аджалсыз ёлюм болмаз.
- Тойгъа барсанг, тоюб бар, эски тонунгу къоюб бар.
- Ашха уста, юйюнде болсун
- Булут кёкге джарашыу, уят бетге джарашыу.
- Ашлыкъны арба юйге келтирир, чана базаргъа элтир.
- Айныгъанлы алты кюн, тогъайгъанлы тогъуз кюн.
- Тёзген – тёш ашар!
- Адамны сыфатына къарама, сёзюне къара.
- Рысхы – насыбха къор.
- Къолу уллу – асыу, аягъы уллу – джарсыу.
- Къыз келсе, джумуш эте келеди, къатын келсе, ушакъ эте келеди.
- Джарашыу сюйген – джалынчакъ.
- Тенгни тенглиги джашай барсанг билинир.
- Тенги кёбню джау алмаз, акъылы кёбню дау алмаз.
- Бермеген къол, алмайды.
- Тамбла алтындан бюгюн багъыр ашхы.
- Тай асырагъан, атха минер.
- Экеу тутушса, биреу джыгъылыр.
- Эки къатын алгъан – эки ташны ортасына башын салгъан.
- Тойну къарнашы – харс, джырны къарнашы – эжиу.
Новый альбом
03.08.2016