Эльбрусоид :: Эльбрусоид

Нёгерсизни джолу узун.
Иги адамны бир сёзю эки болмаз.
Тойгъа барсанг, тоюб бар, эски тонунгу къоюб бар.
Aдам боллукъ, сыфатындан белгили.
Ишленмеген джаш – джюгенсиз ат, ишленмеген къыз – тузсуз хант.
Ётюрюкден тюбю джокъ, кёлтюрюрге джиби джокъ.
Адам къыйынлыгъын кёлтюрюр, зауукълугъун кёлтюрмез.
Ата Джуртуму башы болмасам да, босагъасында ташы болайым.
Акъыл неден да кючлюдю.
Хата – гитчеден.
Кёрмегеннге кебек – танг, битмегеннге сакъал – танг.
Тилчиден кери бол.
Абынмазлыкъ аякъ джокъ, джангылмазлыкъ джаякъ джокъ.
Аз сёлешген, къайгъысыз турур.
Кёбню кёрген – кёб билир.
Къонакъ аз олтурур, кёб сынар.
Дуния мал дунияда къалады.
Аш хазыр болса, иш харам болур.
Биреу ашаб къутулур, биреу джалаб тутулур.
Ёлмесенг да, къарт дамы болмазса?
Рысхы джалгъанды: келген да этер, кетген да этер.
Къызбайны юйюне дери сюрсенг, батыр болур.
Аякъларынгы джууургъанынга кёре узат.
Аджашханны ызындагъы кёреди, джангылгъанны джанындагъы биледи.
Акъыллы айтыр эди, акъылсыз къоймайды.
Борчунг бар эсе, хурджунунга ойлаб узал.
Башда акъыл болмаса, эки аякъгъа кюч джетер.
Биреуге аманлыкъ этиб, кесинге игилик табмазса.
Окъуу – билимни ачхычы, окъуу – дунияны бачхычы.
Аманны тукъумуна къарама, игини тукъумун сорма.
Тойчу джашха къарама, къойчу джашха къара.
Къызны минг тилер, бир алыр.
Ана – юйню кюн джарыгъы.
Тенги кёбню джау алмаз, акъылы кёбню дау алмаз.
Ургъан суудан башынгы сакъла.
Мухарны эси – ашарыкъда.
Иги сеники эсе да, сюйген кесимикин этеме.
Джырчы ёлсе, джыры къалыр.
Джырчы джырчыгъа – къарнаш.
Чомартны къолу берекет.
Тиширыусуз юй – отсуз от джагъа.
Билимсиз иш бармаз.
Кенгеш болса, уруш болмаз.
Агъач – джерни чырайы, кийим – эрни чырайы.
Хантына кёре тузу, юйюне кёре къызы.
Мухар, кеси тойса да, кёзю тоймаз.
Кёбден умут этиб, аздан къуру къалма.
Билеги кючлю, бирни джыгъар, билими кючлю, мингни джыгъар.
Къарт айтханны этмеген, къартаймаз.
Кесинге джетмегенни, кёб сёлешме.