Эльбрусоид :: Эльбрусоид

Тил – миллетни джаны.
Эр абынмай, эл танымаз.
Туз, гырджын аша, тюзлюк бла джаша.
Таукелге нюр джауар.
Джетген къыз джерли эшекни танымаз.
Келгинчи, къонакъ уялыр, келгенден сора, къонакъбай уялыр.
Гугук кесини атын айтыб къычыргъанча, мен, мен деб нек тураса?
Джылар джаш, атасыны сакъалы бла ойнар.
Ашда уялгъан – мухар, ишде уялгъан – хомух.
Аманны къуугъан, аманлыкъ табар.
Къарт бла баш аша, джаш бла аякъ аша.
Айран ичген – къутулду, джугъусун джалагъан – тутулду.
Тёзгеннге, джабылгъан эшик ачылыр.
Игилик игилик бла сингдирилиучю затды.
Аякъларынгы джууургъанынга кёре узат.
Кийимни бичсенг, кенг бич, тар этген къыйын тюлдю.
Чомарт къонакъ юй иесин сыйлар.
Мухардан ач ычхынмаз.
Окъ къызбайны джокълайды.
Къолунгдан къуймакъ ашатсанг да, атаны борчундан къутулмазса.
Биреуге аманлыкъны тилеме да, кесинге ашхылыкъны тиле.
Ишленмеклик адамлыкъды.
Билеги кючлю, бирни джыгъар, билими кючлю, мингни джыгъар.
Чарсда алчыны эл кёреди.
Ач бёрюге мекям джокъ.
Къыз чыгъаргъан – къызыл къымжа.
Aдам боллукъ, сыфатындан белгили.
Айран тёгюлсе, джугъусу къалыр.
Окъуу – билимни ачхычы, окъуу – дунияны бачхычы.
Къонакъ аман болса, къонакъбай джунчур
Аууз сакълагъан – джан сакълар.
Тойгъандан сора, ашны сёкме.
Иги сёз – джаннга азыкъ, аман сёз башха – къазыкъ.
Ата Джуртча джер болмаз, туугъан элча эл болмаз.
Аман эсирсе, юйюн ояр.
«Ёгюз, джаргъа джууукъ барма, меннге джюк боллукъса», - дегенди эшек.
Нарт сёз къарт болмаз.
Джуртун къоругъан озар.
Ариуну – ауруу кёб.
Кёзден кетген, кёлден да кетеди.
Акъыл аздырмаз, билим тоздурмаз.
Аманнга игилик этсенг, юйюнге сау бармазса.
Сабий кёргенин унутмаз.
Джырына кёре эжиую.
Азыкъ аз болса, эртде орун сал.
Уллу къазанда бишген эт, чий къалмаз.
Биреуню эскиси биреуге джангы болмайды.
Тилчи тилден къаныкъмаз.
Намыс сатылыб алынмайды.
Сёз садакъдан кючлюдю.