Эльбрусоид :: Эльбрусоид

Адамны аманы адамны бети бла ойнар.
Хар ишни да аллы къыйынды.
Сабыр джетер муратха, сабырсыз къалыр уятха.
Байны оноуу, джарлыгъа джарамаз.
Акъыллы – эл иеси, тели – эл баласы.
Ётюрюкню башын керти кесер.
Къуру гыбыт бек дыгъырдар.
Джыланны къуйругъундан басарынг келсе, аны башы болгъанын унутма.
Ата Джуртча джер болмаз, туугъан элча эл болмаз.
Ачны эсинде – аш.
Окъугъан – асыу, окъумагъан – джарсыу.
Акъылсызны джууукъгъа алма, акъыллыны кенгнге салма.
Мал ёлсе, сюек къалыр, адам ёлсе, иши къалыр.
Айырылмаз джууугъунга, унутмаз сёзню айтма.
Джогъун бар этген, барын бал этген.
Джырчы джырчыгъа – къарнаш.
Сагъышы джокъ – джукъучу, акъылы джокъ – къаугъачы.
Гугурук къычырмаса да, тангны атары къалмаз.
Джарлы джети элни сёзюн этер.
Ашхы сёз таш тешер.
Кёз – сюйген джерде, къол – ауругъан джерде.
Дууулдаса – бал чибин, къонса – къара чибин.
Чомарт джарлы болмаз.
Келгинчи, къонакъ уялыр, келгенден сора, къонакъбай уялыр.
Иги болса, тамадама – махтау, аман болса, меннге – айыб.
Айтылгъан буйрукъ, сёгюлмез
Биреуню тёрюнден, кесинги эшик артынг игиди.
Джарлыны тону джаз битер.
Намыс сатылыб алынмайды.
Джаралыны джастыгъында сау ёлюр.
Аман къатын сабий табса, бий болур…
Хансыз джомакъ болмаз.
Таукел тауну аудурур.
Aдам боллукъ, сыфатындан белгили.
Къарнынг къанлынга кийирир.
Акъыллы айтыр эди, акъылсыз къоймайды.
Ауурну тюбю бла, дженгилни башы бла джюрюген.
Хар адамгъа кеси миннген тау кибик.
Ач келгенни – тойдур, кеч келгенни – къондур.
Джахил болса анасы, не билликди баласы?
Иги – алгъыш этер, аман – къаргъыш этер.
Айран тёгюлсе, джугъусу къалыр.
Ёлюр джаннга, ёкюл джокъ.
Иги сёз – джаннга азыкъ, аман сёз башха – къазыкъ.
Джукъу тёшек сайламайды.
Туз, гырджын аша, тюзлюк бла джаша.
Къая джолда джортма, ачыкъ сёзден къоркъма.
Тулпарлыкъ, билекден тюл – джюрекден.
Эркиши – от, тиширыу – суу.
Чомарт къолда мал къалмаз.