Эльбрусоид :: Эльбрусоид

Эте билген, этген этеди, эте билмеген, юретген этеди!
Джангызны оту джарыкъ джанмаз!
Кёб джашагъан – кёб билир.
Адам къаллай бир ишленмесе, аллай бир кесин уллу кёреди.
Ишин билген, аны сыйын чыгъарады.
Дуния мал дунияда къалады.
Шапа кёб болса, аш татымсыз болур.
Накъырданы арты керти болур.
Ат басханны джер билед.
Эл элде бирер малынг болгъандан эсе, бирер тенгинг болсун.
Керилген да, ургъан кибикди.
Джашынгы кесинг юретмесенг, джашау юретир.
Къарын къуру болса, джюрек уру болур.
Ашда уялгъан – мухар, ишде уялгъан – хомух.
Чыбыкълыкъда бюгюлмеген, къазыкълыкъда бюгюлмей эди.
Сютню башын джалагъан къутулур, тюбюн ичген тутулур.
Тёрени джагъы джокъ.
Кёлсюзден сёзсюз тууар.
Тай асырагъан, атха минер.
Кюл тюбюндеги от кёрюнмейди.
Сагъышы джокъ – джукъучу, акъылы джокъ – къаугъачы.
Айтылгъан буйрукъ, сёгюлмез
Аджашхан тёгерек айланыр.
Къонакъ аман болса, къонакъбай джунчур
Кёл – къызбай, къол – батыр.
Тынгылагъан тынгы бузар.
Артына баргъанны, къатына барма.
Таукел адам тау тешер.
Зар адамны насыбы болмаз.
Билгенни къолу къарны джандырыр.
Джарлыны тону джаз битер.
Эски джаугъа ышанма.
Таукелге нюр джауар.
Дуния малгъа сатылма, кесингден телиге къатылма.
Нёгерсизни джолу узун.
Эм уллу байлыкъ – джан саулукъ.
Бозаны арты дауур болур.
Тамбла алтындан бюгюн багъыр ашхы.
Уллу айтханны этмеген – уллаймаз.
Азыкъ аз болса, эртде орун сал.
Тил джюрекге джол ишлейди.
Чоюнну башы ачыкъ болса, итге уят керекди.
Тойгъан джерден туугъан джер игиди.
Хатерли къул болур.
Баргъанынга кёре болур келгенинг.
Халкъны джырын джырласанг, халкъ санга эжиу этер.
Юреннген ауруу къалмаз.
Атлыны кёрсе, джаяуну буту талыр.
Чакъырылмагъан къонакъ тёрге атламаз.
Ач къалгъандан, кеч къалгъан къолай.