- Билими азны – ауузунда кирит.
- Чакъырылмай келген къонакъ сыйланмай кетер.
- Уллу суу бла уллу ауруудан башынгы сакъла.
- Ишни аллы бла къууанма да, арты бла къууан.
- Къууут – джелге, берне – бошха.
- Адебни адебсизден юрен.
- Къулакъдан эсе, кёзге ышан.
- Хунаны тюбюн къазсанг, юсюнге ауар.
- Иги болса, тамадама – махтау, аман болса, меннге – айыб.
- Хаухну атма, ёнгкючню сатма.
- Аууздан келген, къолдан келсе, ким да патчах болур эди.
- Сакъламагъан затынга джолукъсанг, не бек къууанаса, не бек ачыйса.
- Байлыкъ болгъан джерде, тынчлыкъ джокъду.
- Артына баргъанны, къатына барма.
- Зарда марда джокъ.
- Чабакъгъа акъыл, табагъа тюшсе келеди.
- Арпа, будай – ащды, алтын, кюмюш а – ташды.
- Къан бла кирген, джан бла чыгъар.
- Чарсда алчыны эл кёреди.
- Ачлыкъ отха секиртир.
- Къыз чыгъаргъан – къызыл къымжа.
- Арыгъан къош чамчы болур.
- Тенгинг джокъ эсе – изле, бар эсе – сакъла!
- Тёрени джагъы джокъ.
- Суугъа – чабакъ, къаягъа – ыргъакъ.
- Ариуну – ауруу кёб.
- Тойну къарнашы – харс, джырны къарнашы – эжиу.
- Билим ат болуб да чабар, къуш болуб да учар.
- Ишни ахырын ойламай, аллын башлама.
- Адам сёзге тынгыла, акъыл сёзню ангыла.
- Ёлген эшек бёрюден къоркъмайды.
- Ата – билек, ана – джюрек!
- Сабий болмагъан джерде, мёлек болмаз.
- Къонакъ хазыр болгъанлыкъгъа, къонакъбай хазыр тюлдю.
- Билим къая тешер.
- Ариу сёзде ауруу джокъ.
- Тюзлюк тас болмайды.
- Къарнынг тойгъунчу аша да, белинг талгъынчы ишле.
- Нафысынгы айтханын этме, намысынгы айтханын эт.
- Джюрек кёзден алгъа кёрюр.
- Этим кетсе да, сюегим къалыр.
- Сёз сёзню айтдырыр.
- Кимни – тили, тиши онглу, кимни – къолу, иши онглу.
- Джыгъылгъанны сырты джерден тоймаз.
- Айтылгъан сёз ызына къайтмаз.
- Сибиртки да сыйлы болду, кюрек да кюнлю болду.
- Билмейме деген – бир сёз
- Ёлген аслан – сау чычхан.
- Насыблы элин сюер, насыбсыз кесин сюер.
- Ашарыкъда сайлагъаннга – чий гырджын.
Новый альбом
03.08.2016