- Тойчу джашха къарама, къойчу джашха къара.
- Билим къая тешер.
- Тиширыусуз юй – отсуз от джагъа.
- Сескекли кесин билдирир.
- Терек ауса, отунчу – кёб.
- Берекет берсин деген джерде, берекет болур.
- Ашатыргъа иш – ашхы, ишлетирге аш – ашхы.
- Айтхан – тынч, этген – къыйын.
- Ач къалгъандан, кеч къалгъан къолай.
- Ашхы сёз таш тешер.
- Халкъны джырын джырласанг, халкъ санга эжиу этер.
- Айныгъанлы алты кюн, тогъайгъанлы тогъуз кюн.
- Тойгъан джерге джети къайт.
- Огъурлуну сёзю – суу, огъурсузну сёзю – уу.
- Эр сокъур болсун, къатын тилсиз болсун.
- Ач – эснер, ат – кишнер.
- Тойну къарнашы – харс, джырны къарнашы – эжиу.
- Кёзюнде тереги болгъан, чёбю болгъаннга кюле эди.
- Адамны адамлыгъы къыйынлыкъда айгъакъланады.
- Кечеси – аяз, кюню – къыш, джарлы къаргъагъа бир аш тюш!
- Адам сёзюнден белгили.
- Таш ата билмеген, башына урур.
- Терслик кетер, тюзлюк джетер.
- Мураты болгъанны джюрек тебюую башхады.
- Ашына кёре табагъы, балына кёре къалагъы.
- Окъумагъан сокъурду, сокъур ташха абыныр!
- Тили узунну, намысы – къысха.
- Хар зат кесини орнуна иги.
- Ойнай-ойнай кёз чыгъар.
- Аман адамны тепсинге олтуртсанг, къызынгы тилер.
- Аджалсыз ёлюм болмаз.
- Джарлы эскисин джамаса, къууаныр.
- Окъугъанны бети джарыкъ.
- Элде адам къалмаса, ит тахтагъа минер.
- Тилчи бир сагъатха айлыкъ хата этер.
- Ач уят къоймаз.
- Биреуню къыйынлыгъы бла кесинге джол ишлеме.
- Къазанда болса, чолпугъа чыгъар.
- Окъуу – билимни ачхычы, окъуу – дунияны бачхычы.
- Ишни аллы бла къууанма да, арты бла къууан.
- Ариу сёз – джаннга азыкъ, аман сёз – башха къазыкъ.
- Башда акъыл болмаса, эки аякъгъа кюч джетер.
- Ат да турмайды бир териде.
- Сабийни джумушха джибер да, ызындан бар.
- Ишни ахырын ойламай, аллын башлама.
- Джаш болсун, къыз болсун, акъылы, саны тюз болсун.
- Азыгъы аз, алгъа къабар, аты аман, алгъа чабар.
- Къонагъы джокъну – шоху джокъ.
- Баш болса, бёрк табылыр.
- Кийимни бир кюнню аясанг, минг кюннге джарар.
Новый альбом
03.08.2016