- Джан саулукъ бермей, сан саулукъ бермезсе.
- Эки итни арасына сюек атма, эки адамны арасында сёз чыгъарма.
- Адамны джюреги нени кёрюрге сюйсе, кёзю да аны кёрюрге ёч болады.
- Къарт айтханны этмеген, къартаймаз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Къаллай салам берсенг, аллай джууаб алырса.
- Элде адам къалмаса, ит тахтагъа минер.
- Ариу сёзде ауруу джокъ.
- Тулпарлыкъ, билекден тюл – джюрекден.
- Миллетни бойну – базыкъ, аны бла кюрешген – джазыкъ.
- Ач уят къоймаз.
- Ач – эснер, ат – кишнер.
- Чакъырылмагъан къонакъ къачан кетерин сормаз.
- Къобан да къуру да къобханлай турмайды, адам да къуру да патчахлай турмайды.
- Аш берме да, къаш бер.
- Джеринден айырылгъан – джети джылар, джуртундан айырылгъан – ёлгюнчю джылар.
- Тюзню ётмеги тюзде къалса да, тас болмаз.
- Аман къатын сабий табса, бий болур…
- Ачлыкъ отха секиртир.
- Сабий кёргенин унутмаз.
- Джерни букъусу кёкге къонмаз.
- Кийимни бичсенг, кенг бич, тар этген къыйын тюлдю.
- Ашхы болсанг, атынг чыгъар, аман болсанг, джанынг чыгъар.
- Къанны къан бла джуума, аманны аман бла къуума.
- Ышармагъан – кюлмез, кюлмеген – къууанчны билмез.
- Таукел адам тау тешер.
- Ана кёлю – балада, бала кёлю – талада.
- Окъугъанны бети джарыкъ.
- Болджал ишни бёрю ашар.
- Кёб ант этген, кёб ётюрюк айтыр.
- Тойну къарнашы – харс, джырны къарнашы – эжиу.
- Джаралыны джастыгъында сау ёлюр.
- Тамбла алтындан бюгюн багъыр ашхы.
- Тюз сёз баргъан сууну тыяр.
- Баланы адам этген анады.
- Окъугъан – асыу, окъумагъан – джарсыу.
- Тёзгеннге, джабылгъан эшик ачылыр.
- Бир онгсуз адам адет чыгъарды, деб эштирик тюлсе.
- Аман къатын алгъан, арыр, иги къатын алгъан джарыр.
- Нёгер болсанг, тенг бол, тенг болмасанг, кенг бол.
- Эллинг бла джау болсанг да, юйюнг бла джау болма.
- Урама да – ёледи, сатама да – келеди.
- Ауузу бла къуш тута айланады.
- Соргъан айыб тюлдю, билмеген айыбды.
- Бюгюн дуния кибик, тамбла ахыратды.
- Айранын берсенг, челегин да къызгъанма.
- Чабакъсыз кёлге къармакъ салгъанлыкъгъа, чабакъ тутмазса.
- Биреуню къыйынлыгъы бла кесинге джол ишлеме.
- Экеу тутушса, биреу джыгъылыр.
- Бал ашаргъа сюе эсенг, чибин ургъаннга тёз.
Новый альбом
03.08.2016