Эльбрусоид :: Эльбрусоид

Накъырданы арты керти болур.
Джауумдан сора, кюн кюйдюрюр, ётюрюкден сора, айыб кюйдюрюр.
Шекер бла туз – бир болмаз, ушамагъан – юй болмаз.
Ашхы тенг джолгъа салыр, аман тенг джолдан тайдырыр.
Джан саулукъ бермей, сан саулукъ бермезсе.
Ёзденликни кёбю ётюрюк.
Кёбден умут этиб, аздан къуру къалма.
Аман эсирсе, юйюн ояр.
Аманнга игилик этсенг, юйюнге сау бармазса.
Бозанг болмагъан джерге, къалагъынгы сукъма.
Аякъларынгы джууургъанынга кёре узат.
Иесиз малны бёрю ашар.
Дуния малгъа сатылма, кесингден телиге къатылма.
Ишленмеклик адамлыкъды.
Адебни адебсизден юрен.
Къуру гыбыт бек дыгъырдар.
Ётюрюк хапар аякъ тюбю бла джюрюйдю.
Башынга джетмегенни сорма.
Келгинчи, къонакъ уялыр, келгенден сора, къонакъбай уялыр.
Къыз чыгъаргъан – къызыл къымжа.
Ашына кёре табагъы, балына кёре къалагъы.
Ёлген аслан – сау чычхан.
Тёрени джагъы джокъ.
Юй кюйдю да, кюйюз чыкъды, ортасындан тюйюш чыкъды.
Чёбню кёлтюрсенг, тюбюнден сёз чыгъар.
Адамгъа аман кюн соруб келмейди.
Кечеси – аяз, кюню – къыш, джарлы къаргъагъа бир аш тюш!
Рысхы джалгъанды: келген да этер, кетген да этер.
Ётюрюкню къуйругъу – бир тутум.
Джырына кёре эжиую.
Бичгенде ашыкъма, тикгенде ашыкъ.
Джашлыкъ этмеген, башлыкъ этмез.
Игиге айтсанг – билир, аманнга айтсанг – кюлюр.
Керек ташны ауурлугъу джокъ.
Ашын ашагъанынгы, башын да сыйла.
Кёзюнде тереги болгъан, чёбю болгъаннга кюле эди.
Ариу сёз – джаннга азыкъ, аман сёз – башха къазыкъ.
Айраннга суу къош, телиге джол бош.
Керти сёзге тёре джокъ.
Джыгъылгъанны сырты джерден тоймаз.
Атадан ёксюз – бир ёксюз, анадан ёксюз – эки ёксюз.
Къызын тута билмеген, тул этер, джашын тута билмеген, къул этер.
Кирсизни – саны таза, халалны – къаны таза.
Уллу айтханны этмеген – уллаймаз.
Къарт болгъан джерде, берекет болур, сабий болгъан джерде, оюн болур.
Къар – келтирди, суу – элтди.
Ашыкъгъанны этеги бутуна чырмалыр.
Ачны эсинде – аш.
Этни да ашады, бетни да ашады.
Акъыл аздырмаз, билим тоздурмаз.