Эльбрусоид :: Эльбрусоид

Ашхы атаны – джашы ашхы, ашхы ананы – къызы ашхы.
Къыйынлы джети элни къайгъысын этер.
Орундукъ тюбюнде атылсам да, орта джиликме, де да айлан.
Керти сёзге тёре джокъ.
Ишленмеген джаш – джюгенсиз ат, ишленмеген къыз – тузсуз хант.
Кёбден умут этиб, аздан къуру къалма.
Байлыкъ тауусулур, билим тауусулмаз.
Алгъанда – джууукъ, бергенде – джау.
Акъыллы айтыр эди, акъылсыз къоймайды.
Минг тенг да азды, бир джау да кёбдю.
Киштикге къанат битсе, чыпчыкъ къалмаз эди.
Игини сыйлагъан адетди.
Адам сёзюнден белгили.
Душманны тышы – акъ, ичи – къара.
Тойчу джашха къарама, къойчу джашха къара.
Бир абыннган – минг сюрюнюр.
Байлыкъ адамны сокъур этер.
Къазанны башы ачыкъ болса, итге уят керекди.
Башда акъыл болмаса, эки аякъгъа кюч джетер.
Ургъан суудан башынгы сакъла.
Джюрекге ариу – кёзге да ариу.
Къонакъ кёб келюучю юйню, къазаны отдан тюшмез.
Къартны бурнун сюрт да, оноугъа тут.
Ач къалгъандан, кеч къалгъан къолай.
Борчунг бар эсе, хурджунунга ойлаб узал.
Эки къатын алгъан – эки ташны ортасына башын салгъан.
Атадан ёксюз – бир ёксюз, анадан ёксюз – эки ёксюз.
Ачны эсинде – аш.
Атлыны ашхысы, ат тизгининден билинир
Адеб базарда сатылмаз.
Айыбны суу бла джууалмазса.
Хазыр ашха – терен къашыкъ.
Ашлыкъны арба юйге келтирир, чана базаргъа элтир.
Ёксюзню тилеги къабыл болур.
Хатерли къул болур.
Сабийни джумушха джибер да, ызындан бар.
Адам къаллай бир ишленмесе, аллай бир кесин уллу кёреди.
Эртде тургъан джылкъычыны эркек аты тай табар.
Тойну къарнашы – харс, джырны къарнашы – эжиу.
Джарлы эскисин джамаса, къууаныр.
Чомарт къонакъ юй иесин сыйлар.
Эски джаугъа ышанма.
Уллу атлама – абынырса, уллу къабма – къарылырса.
Мен да «сен», дейме, сен да «кесим», дейсе.
Ана къолу ачытмаз.
Ёлген эшек бёрюден къоркъмайды.
Байны къызы баймакъ болса да, юйде къалмаз!
Кесинг сынамагъан затны, адамгъа буюрма.
Чомарт джарлы болмаз.
Хаухну атма, ёнгкючню сатма.