Эльбрусоид :: Эльбрусоид

Сабий болмагъан джерде, мёлек болмаз.
Атлыны ашхысы, ат тизгининден билинир
Алтыннга тот къонмаз.
Экиндини кеч къылсанг, чабыб джетер ашхам.
Сютден ауузу кюйген, суугъа юфгюре эди.
Хатерли къул болур.
Иши джокъну, сыйы джокъ.
Ишлерге уял да, ашаргъа табма.
Эрни эр этерик да, къара джер этерик да, тиширыуду.
Ата – билек, ана – джюрек!
Джаханимни кёрмей, джандетге кёл салмазса.
Орну джокъну – сыйы джокъ.
Баргъанынга кёре болур келгенинг.
Ашатыргъа иш – ашхы, ишлетирге аш – ашхы.
Эринчекни аурууу – кёб.
Тик ёргени, тик энгишгеси да болады.
Аякъларынгы джууургъанынга кёре узат.
Джарлыны эшигин махтагъан джабар.
Акъыллы эркиши атын махтар, акъылсыз эркиши къатынын махтар.
Адамны бетине къарама, адетине къара.
Эки элинги тыйсанг, джети элде махталырса.
Ашыкъгъанны этеги бутуна чырмалыр.
Окъуу – билимни ачхычы, окъуу – дунияны бачхычы.
Адамны сыфатына къарама, сёзюне къара.
Билим къая тешер.
Юреннген ауруу къалмаз.
Хар зат кесини орнуна иги.
Дуния малгъа сатылма, кесингден телиге къатылма.
Тёрдеги кюлсе, эшикдеги ышарыр.
Аман адам элни бир-бирине джау этер.
Эркиши – от, тиширыу – суу.
Эки ойлашыб, бир сёлешген.
Биреу къой излей, биреу той излей.
Къанны къан бла джуума, аманны аман бла къуума.
Окъумагъан сокъурду, сокъур ташха абыныр!
Кютгени беш эчки, сызгъыргъаны уа, джерни джарады.
Иги джашны ышаны – аз сёлешиб, кёб тынгылар.
Джашны джигитлиги сорулур, къызны джигерлиги сорулур.
Сакъламагъан затынга джолукъсанг, не бек къууанаса, не бек ачыйса.
Бет бетге къараса, бет да джерге къарар.
Акъдан къара болмаз.
Къыйынлы джети элни къайгъысын этер.
Эл тойса, тоймагъан, эл къойса, къоймагъан.
Башынга джетмегенни сорма.
«Ёгюз, джаргъа джууукъ барма, меннге джюк боллукъса», - дегенди эшек.
Киштикге къанат битсе, чыпчыкъ къалмаз эди.
Эки къатын алгъанны къулагъы тынгнгаймаз.
Уллу къазанда бишген эт, чий къалмаз.
Ашхы сёз таш тешер.
Тойну къарнашы – харс, джырны къарнашы – эжиу.