Эльбрусоид :: Эльбрусоид

Уллу сёзде уят джокъ.
Алтыда кюлмеген, алтмышда кюлмез.
Адамны аманы адамны бети бла ойнар.
Адам боллукъ, атламындан белгили болур.
Сууда джау джокъ, кёб сёзде магъана джокъ.
Тас болгъан бычакъны сабы – алтын.
Окъуу – билимни ачхычы, окъуу – дунияны бачхычы.
Кёзню ачылгъаны – иги, ауузну джабылгъаны – иги.
Билимден уллу байлыкъ джокъду.
Суу кетер, таш къалыр.
Ёпкелегенни ашы татлы болады.
Таукелге нюр джауар.
Азыкълы ат арымаз, къатыны аман джарымаз.
Къумурсхала джыйылсала, пилни да джыгъадыла.
Ач келгенни – тойдур, кеч келгенни – къондур.
Къазанда болса, чолпугъа чыгъар.
Къарнынг къанлынга кийирир.
Ишни ахырын ойламай, аллын башлама.
Сёлеш деб шай берген, тохта деб, сом берген.
Тойну къарнашы – харс, джырны къарнашы – эжиу.
Кийиминг бла танылма, адамлыкъ бла таныл.
Тилчи тилден къаныкъмаз.
Джырчы ёлсе, джыры къалыр.
Билмегенинги, билгеннге сор.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Таш бла ургъанны, аш бла ур.
Ойнаб айтсанг да, эслеб айт.
Ёлген ийнек сютлю болур.
Къар – келтирди, суу – элтди.
Миллетни бойну – базыкъ, аны бла кюрешген – джазыкъ.
Арыгъан къош чамчы болур.
Джангыз терек къынгыр ёсер.
Къарын къуру болса, джюрек уру болур.
Эр абынмай, эл танымаз.
Байны оноуу, джарлыгъа джарамаз.
Чакъырылмагъан къонакъ тёрге атламаз.
Аз сёлешген, къайгъысыз турур.
Кесинге джетмегенни, кёб сёлешме.
Юй ишлеген балта эшикде къалыр.
Ауурну тюбю бла, дженгилни башы бла джюрюген.
Адеб этмеген, адеб кёрмез.
Ишлегенден, къарагъан уста.
Къонакъ аман болса, къонакъбай джунчур
Хаухну атма, ёнгкючню сатма.
Сёз – кюмюш, джыр – алтын.
Акъдан къара болмаз.
Тёрдеги кюлсе, эшикдеги ышарыр.
Ауругъаннга – кийик саулукъ, джетген къызгъа – чилле джаулукъ.
Къонакъ хазыр болгъанлыкъгъа, къонакъбай хазыр тюлдю.
Мухардан ач ычхынмаз.