- Тюзлюк шохлукъну бегитир.
- Аш кетер да бет къалыр.
- Аман къатын сабий табса, бий болур…
- Ашлыкъ – бюртюкден, джюн – тюкден.
- Адамны адамлыгъы къыйынлыкъда айгъакъланады.
- Аман хансны – урлугъу кёб.
- Эл элде бирер малынг болгъандан эсе, бирер тенгинг болсун.
- Къатын къылыкъсыз, эр тынчлыкъсыз.
- Ёлмесенг да, къарт дамы болмазса?
- Сёлеш деб шай берген, тохта деб, сом берген.
- Халкъны джырын джырласанг, халкъ санга эжиу этер.
- Тилсиз миллет джокъ болур.
- Адамны аты башхача, акъылы да башхады.
- Аман эсирсе, юйюн ояр.
- Нафысынгы айтханын этме, намысынгы айтханын эт.
- Уллу суу бла уллу ауруудан башынгы сакъла.
- Къызбайны юйюне дери сюрсенг, батыр болур.
- Кюн – узун, ёмюр – къысха.
- Рысхы – сют юсюнде кёмюк кибикди.
- Тилчи бир сагъатха айлыкъ хата этер.
- Чомарт бергенин айтмаз.
- Босагъагъа джууукъ орун болса, ашыгъыб тёрге озма.
- Ойнаб айтсанг да, эслеб айт.
- Суу да къайтады чыкъгъан джерине.
- Чоюнну башы ачыкъ болса, итге уят керекди.
- Байлыкъдан саулукъ ашхыды.
- Уллу къашыкъ эрин джыртар.
- Билмезни кёзю кёрмез, этмезни къулагъы эшитмез.
- Аякъларынгы джууургъанынга кёре узат.
- Окъдан джара эртде-кеч болса да бителир, сёз джара, ёмюрге къалыр.
- Джарлы джети элни сёзюн этер.
- Асхат ашлыкъ сата, юйдегиси ачдан къата.
- Иги джашны ышаны – аз сёлешиб, кёб тынгылар.
- Гугурук къычырмаса да, тангны атары къалмаз.
- Башы ишлегенни, ауузу да ишлер.
- Эм ашхы къайын ана мамукъ бла башынгы тешер.
- Душманны тышы – акъ, ичи – къара.
- Уллу айтханны этмеген – уллаймаз.
- Тёрдеги кюлсе, эшикдеги ышарыр.
- Узун джолну барсанг, бюгюн келирсе, къысха джолну барсанг, тамбла келирсе.
- Джаханимни кёрмей, джандетге кёл салмазса.
- Тай асырагъан, атха минер.
- Керек ташны ауурлугъу джокъ.
- Бетинги сатма, малынгы сат.
- Аджалсыз ёлюм болмаз.
- Дуния мал дунияда къалады.
- Аманнга алтын чыдамаз.
- Аджал соруб келмез, келсе, къайтыб кетмез.
- Шапа кёб болса, аш татымсыз болур.
- Билимли ёлмез, билимсиз кёрмез.
Новый альбом
03.08.2016