- Мухарны эси – ашарыкъда.
- Ханы къызы буюгъа-буюгъа киштик болду.
- Суу ичген шауданынга тюкюрме.
- Ат да турмайды бир териде.
- Джаш болсун, къыз болсун, акъылы, саны тюз болсун.
- Кюн – узун, ёмюр – къысха.
- Юреннген ауруу къалмаз.
- Къарын къуру болса, джюрек уру болур.
- Акъылсызны джууукъгъа алма, акъыллыны кенгнге салма.
- Кюлме джашха – келир башха.
- Айырылмаз джууугъунга, унутмаз сёзню айтма.
- Хата – гитчеден.
- Кёб къычыргъандан – къоркъма, тынч олтургъандан – къоркъ.
- Аман къатын алгъан, арыр, иги къатын алгъан джарыр.
- Ишлегенде эринме, ишде чолакъ кёрюнме.
- Тойчу джашха къарама, къойчу джашха къара.
- Кёлю джокъну – джолу джокъ.
- Айтханы чапыракъдан ётмеген.
- Ашха уста, юйюнде болсун
- Эки къатын алгъан – эки ташны ортасына башын салгъан.
- Байны къызы баймакъ болса да, юйде къалмаз!
- Билими азны – ауузунда кирит.
- Ашхылыкъ джерде джатмайды, аманлыкъ суугъа батмайды.
- Бойнуму джети джерден кессенг да, мен ол ишни этеллик тюлме.
- Атлыны ашхысы, ат тизгининден билинир
- Элге къуллукъ этмеген, элге ие болмаз.
- Ашарыкъда сайлагъаннга – чий гырджын.
- Иги – алгъыш этер, аман – къаргъыш этер.
- Сёлеш деб шай берген, тохта деб, сом берген.
- Адамны сыфатына къарама, сёзюне къара.
- Кийимни бир кюнню аясанг, минг кюннге джарар.
- Ачыкъ джюрекге джол – ачыкъ.
- Атлыны кёрсе, джаяуну буту талыр.
- Татлы сёз – балдан татлы.
- Джан саулукъ бермей, сан саулукъ бермезсе.
- Мени джылытмагъан кюн, меннге тиймесин!
- Сескекли кесин билдирир.
- Ойнаб айтсанг да, эслеб айт.
- Эски джаугъа ышанма.
- Окъдан джара эртде-кеч болса да бителир, сёз джара, ёмюрге къалыр.
- Аман эсирсе, юйюн ояр.
- Акъыл бла адеб эгизледиле.
- Билген билмегенни юретген адетди.
- Ётген ёмюр – акъгъан суу.
- Уллу къазанда бишген эт, чий къалмаз.
- Ач бёрюге мекям джокъ.
- Ата – билек, ана – джюрек!
- Тойгъан джерден туугъан джер игиди.
- Аз айтсам, кёб ангылагъыз.
- Азыкълы ат арымаз, къатыны аман джарымаз.
Новый альбом
03.08.2016