Эльбрусоид :: Эльбрусоид

Айран ичген – къутулду, джугъусун джалагъан – тутулду.
Адеб базарда сатылмаз.
Тойну къарнашы – харс, джырны къарнашы – эжиу.
Тамырсыз терекге таянма – джыгъылырса.
Кечеси – аяз, кюню – къыш, джарлы къаргъагъа бир аш тюш!
Байлыкъ келсе, акъыл кетер.
Юйлю уругъа ит чабмаз.
Танг атмайма десе да, кюн къоярыкъ тюйюлдю.
Тамчы таш тешер.
Къызын тута билмеген, тул этер, джашын тута билмеген, къул этер.
Элни кючю – эмеген.
Ёлген ийнек сютлю болур.
Къарын къуру болса, джюрек уру болур.
Ашха уста, юйюнде болсун
Къайгъы тюбю – тенгиз.
Ёксюзню тилеги къабыл болур.
Тас болгъан бычакъны сабы – алтын.
Къонакъ аман болса, къонакъбай джунчур
Уллу къазанда бишген эт, чий къалмаз.
Кёлю джокъну – джолу джокъ.
Уясында не кёрсе, учханында аны этер.
Джаш болсун, къыз болсун, акъылы, саны тюз болсун.
Билим ат болуб да чабар, къуш болуб да учар.
Ётюрюк хапар аякъ тюбю бла джюрюйдю.
Аджаллыгъа окъсуз шкок атылыр.
Суу ичген шауданынга тюкюрме.
Адам сёзге тынгыла, акъыл сёзню ангыла.
Гугук кесини атын айтыб къычыргъанча, мен, мен деб нек тураса?
Билген билмегенни юретген адетди.
Харам къарнашдан, халал тенг ашхы.
Байлыкъдан саулукъ ашхыды.
Юй кюйдю да, кюйюз чыкъды, ортасындан тюйюш чыкъды.
Ётюрюкню башын керти кесер.
Джарлы тюеге минсе да, ит къабар.
Аман киши кеси юйюнде – къонакъ.
Джыгъылгъанны сырты джерден тоймаз.
Тиширыусуз юй – отсуз от джагъа.
Халкъны юйю – туугъан джери.
Экиндини кеч къылсанг, чабыб джетер ашхам.
Кеси юйюмде мен да ханма.
Къарны аманнга къазан такъдырма, къолу аманнга от джакъдырма.
Адам туугъан джеринде, ит тойгъан джеринде.
Болджал ишни бёрю ашар.
Ушамагъан – джукъмаз.
Кийимни бир кюнню аясанг, минг кюннге джарар.
Къоркъакъны кёзю экили кёрюр.
Ач уят къоймаз.
Чакъырылмагъан къонакъ тёрге атламаз.
Айраннга суу къош, телиге джол бош.
Ачыкъ джюрекге джол – ачыкъ.