- Джыгъылгъанны сырты джерден тоймаз.
- Къанны къан бла джуума, аманны аман бла къуума.
- Къоркъакъны кёзю экили кёрюр.
- Уллу суу бла уллу ауруудан башынгы сакъла.
- Хоншуну тауугъу къаз кёрюнюр, келини къыз кёрюнюр.
- Эркишиге тары кебек танг кёрюнюр.
- Адеб этмеген, адеб кёрмез.
- Ата – баланы уясы.
- Джолда аягъынга сакъ бол, ушакъда тилинге сакъ бол.
- Аджаллыгъа окъсуз шкок атылыр.
- Уллу сёзде уят джокъ.
- Кёл ашады да, кеси ашады.
- Айран тёгюлсе, джугъусу къалыр.
- Адамны бетине къарама, адетине къара.
- Таугъа чыгъаллыкъ эсенг, тюзде къалма.
- Билген билмегенни юретген адетди.
- Сёлеш деб шай берген, тохта деб, сом берген.
- Акъыл аздырмаз, билим тоздурмаз.
- Ётюрюкчюню шагъаты – къатында.
- Рысхы – сют юсюнде кёмюк кибикди.
- Иши джокъну, сыйы джокъ.
- Хунаны тюбюн къазсанг, юсюнге ауар.
- Кёлю джокъну – джолу джокъ.
- Къан бла кирген, джан бла чыгъар.
- Иги сёз – джаннга азыкъ, аман сёз башха – къазыкъ.
- Тенгни тенглиги джашай барсанг билинир.
- Джарлы тюеге минсе да, ит къабар.
- Ана – юйню кюн джарыгъы.
- Эл элде бирер малынг болгъандан эсе, бирер тенгинг болсун.
- Келгинчи, къонакъ уялыр, келгенден сора, къонакъбай уялыр.
- Ауузу бла къуш тута айланады.
- Тёгюлген тюгел джыйылмайды.
- Ач къарным, тынч къулагъым.
- Акъдан къара болмаз.
- Бичгенде ашыкъма, тикгенде ашыкъ.
- Ат да турмайды бир териде.
- Чомарт джарлы болмаз.
- Ач отунчуну ачыуу – бурнунда.
- Сёз къанатсыз учар.
- Бетинги сатма, малынгы сат.
- Кёбден умут этиб, аздан къуру къалма.
- Джылкъыдан – ат чыгъар, тукъумдан – джаш чыгъар.
- Къолунгдан къуймакъ ашатсанг да, атаны борчундан къутулмазса.
- Билмейме деген – бир сёз
- Баш – акъыл ючюн, акъылман – халкъ ючюн.
- Тюзню ётмеги тюзде къалса да, тас болмаз.
- Чарсда алчыны эл кёреди.
- Адамны аманы адамны бети бла ойнар.
- Тилчиден кери бол.
- Байлыкъ адамны сокъур этер.
Новый альбом
03.08.2016