- Зарда марда джокъ.
- Ач, тоймам, дейди, тойгъан, ач болмам, дейди.
- Ашхылыкъ джерде джатмайды, аманлыкъ суугъа батмайды.
- Аджашхан тёгерек айланыр.
- Ачлыкъда тары гырджын халыуадан татлы.
- Ёлюк кебинсиз къалмаз.
- Тилде сюек болмаса да, сюек сындырыр.
- Джыланны къуйругъундан басарынг келсе, аны башы болгъанын унутма.
- Билген билмегенни юретген адетди.
- Окъуусуз билим – джокъ, билимсиз кюнюнг – джокъ.
- Аджал соруб келмез, келсе, къайтыб кетмез.
- Танг атмайма десе да, кюн къоярыкъ тюйюлдю.
- Юй кюйдю да, кюйюз чыкъды, ортасындан тюйюш чыкъды.
- Джети тилни билген джети кишиди.
- Киштикге къанат битсе, чыпчыкъ къалмаз эди.
- Чарсда алчыны эл кёреди.
- Тынгылагъан тынгы бузар.
- Ёксюзню къалачы уллу кёрюнюр.
- Чомартны къолу берекет.
- Ашхы сёз таш тешер.
- Алма терегинден кери кетмез.
- Борчунг бар эсе, хурджунунга ойлаб узал.
- Къошда джокъгъа – юлюш джокъ.
- Тюзлюк тас болмайды.
- Мураты болгъанны джюрек тебюую башхады.
- Накъырданы арты керти болур.
- Ариу сёз – къылычдан джити.
- Чомарт къолда мал къалмаз.
- Бир онгсуз адам адет чыгъарды, деб эштирик тюлсе.
- Арыгъан къош чамчы болур.
- Кёзден кетген, кёлден да кетеди.
- Харам къарнашдан, халал тенг ашхы.
- Бир абыннган – минг сюрюнюр.
- Рысхы джалгъанды: келген да этер, кетген да этер.
- Айтхан – тынч, этген – къыйын.
- Иесиз малны бёрю ашар.
- Сёз къанатсыз учар.
- Биреуге кёлтюрген таягъынг, кесинги башынга урур.
- Ач къарынны, токъ билмез
- Тиширыусуз юй – отсуз от джагъа.
- Ишлерге уял да, ашаргъа табма.
- Эте билген, этген этеди, эте билмеген, юретген этеди!
- Иши джокъну, сыйы джокъ.
- Айныгъанлы алты кюн, тогъайгъанлы тогъуз кюн.
- Эри аманны, къатыны – аман.
- Джумушакъ терекни къурт ашар.
- Аманны къуугъан, аманлыкъ табар.
- Билмейме деген – бир сёз
- Ишни ахырын ойламай, аллын башлама.
- Ышармагъан – кюлмез, кюлмеген – къууанчны билмез.
Новый альбом
03.08.2016