- Рысхы джалгъанды: келген да этер, кетген да этер.
- «Ёгюз, джаргъа джууукъ барма, меннге джюк боллукъса», - дегенди эшек.
- Ачыкъ джюрекге джол – ачыкъ.
- Чабар ат – джетген къыз.
- Уллу атлама – абынырса, уллу къабма – къарылырса.
- Ашхы болсанг, атынг чыгъар, аман болсанг, джанынг чыгъар.
- Игилик игилик бла сингдирилиучю затды.
- Айтхан сёзюне табылгъан.
- Хоншуну тауугъу къаз кёрюнюр, келини къыз кёрюнюр.
- Мухарны эси – ашарыкъда.
- Юй кюйдю да, кюйюз чыкъды, ортасындан тюйюш чыкъды.
- Кирсизни – саны таза, халалны – къаны таза.
- Джол бла сёзню къыйыры джокъ.
- Къазанда болса, чолпугъа чыгъар.
- Этим кетсе да, сюегим къалыр.
- Аманнга да, игиге да оноусуз къатышма.
- Байма, деб да, къууанма, джарлыма, деб да, джылама.
- Сабийликде юретмесенг, уллу болса – тюзелмез.
- Нарт сёз – тилни бети.
- Тюзлюк тас болмайды.
- Кютгени беш эчки, сызгъыргъаны уа, джерни джарады.
- Дуния аламаты сен эсенг да, игиме деб айтма.
- Билимли ёлмез, билимсиз кёрмез.
- Ат басханны джер билед.
- Къарнынг бла ёч алма.
- Ач отунчуну ачыуу – бурнунда.
- Суу ичген шауданынга тюкюрме.
- Джогъун бар этген, барын бал этген.
- Къонакъ аз олтурур, кёб сынар.
- Телиге от эт десенг, юйюнге от салыр.
- Терек ауса, отунчу – кёб.
- Келгинчи, къонакъ уялыр, келгенден сора, къонакъбай уялыр.
- Сютден ауузу кюйген, суугъа юфгюре эди.
- Кийимни бичсенг, кенг бич, тар этген къыйын тюлдю.
- Керти сёзге тёре джокъ.
- Адамны адамлыгъы къыйынлыкъда айгъакъланады.
- Эшекни не къадар тюйсенг да, ат болмаз.
- Адамны аманы адамны бети бла ойнар.
- Акъыллы – эл иеси, тели – эл баласы.
- Кеси юйюмде мен да ханма.
- Къоркъакъны кёзю экили кёрюр.
- Ана – юйню кюн джарыгъы.
- Кёрмегеннге кебек – танг, битмегеннге сакъал – танг.
- Айырылгъанланы айю ашар, бёлюннгенлени бёрю ашар.
- Иги джашны ышаны – аз сёлешиб, кёб тынгылар.
- Сангырау къулакъ эл бузар.
- Адамгъа аман кюн соруб келмейди.
- Къонагъы джокъну – шоху джокъ.
- Магъанасыз сёз – тауушсуз сыбызгъы.
- Ач – эснер, ат – кишнер.
Новый альбом
03.08.2016