Эльбрусоид :: Эльбрусоид

Терек ауса, отунчу – кёб.
Байны оноуу, джарлыгъа джарамаз.
Чакъырылмагъан къонакъ къачан кетерин сормаз.
Аш иеси бла татлыды.
Эски джаугъа ышанма.
Тай асырагъан, атха минер.
Бети – къучакълар, джюреги – бычакълар.
Ач келгенни – тойдур, кеч келгенни – къондур.
Урама да – ёледи, сатама да – келеди.
Къыйынлы джети элни къайгъысын этер.
Башы ишлегенни, ауузу да ишлер.
Ариу сёз джыланны орнундан чыгъарыр.
Ачлыкъ отха секиртир.
Сабийликде юретмесенг, уллу болса – тюзелмез.
Джарлы джети элни сёзюн этер.
Таш бла ургъанны, аш бла ур.
Чабакъсыз кёлге къармакъ салгъанлыкъгъа, чабакъ тутмазса.
Къыз чыгъаргъан – къызыл къымжа.
Чакъырылмагъан джерге барма, чакъырылгъан джерден къалма.
Айтхан сёзюне табылгъан.
Накъырданы арты керти болур.
Нёгерсизни джолу узун.
Кесинге джетмегенни, кёб сёлешме.
Акъыл неден да кючлюдю.
Эркишиге тары кебек танг кёрюнюр.
Тил джюрекге джол ишлейди.
Бал чибинни ургъаны – ачы, балы – татлы.
Ат да турмайды бир териде.
Кесине оноу эте билмеген, халкъына да эте билмез.
Эринчекни аурууу – кёб.
Аманны эки битли тону болур, бирин сеннге кийдирир, бирин кеси киер.
Миллетни бойну – базыкъ, аны бла кюрешген – джазыкъ.
«Ма», - дегенни билмесенг, «бер», - дегенни билмезсе.
Келинин тута билмеген, къул этер, къызын тута билмеген, тул этер.
Намысы джокъну – дуниясы джокъ.
Сыфатында болмагъаны, суратында болмаз.
Айтылгъан буйрукъ, сёгюлмез
Суу кетер, таш къалыр.
Акъыл аздырмаз, билим тоздурмаз.
Этни да ашады, бетни да ашады.
Сёз садакъдан кючлюдю.
Танг атмайма десе да, кюн къоярыкъ тюйюлдю.
Эм уллу байлыкъ – джан саулукъ.
Юйюнгден чыкъдынг – кюнюнгден чыкъдынг.
Алтыннга тот къонмаз.
Ётген ёмюр – акъгъан суу.
Оюмсуз атлагъан, аджалсыз ёлюр.
Къолу уллу – асыу, аягъы уллу – джарсыу.
Эри аманны, къатыны – аман.
Арыгъан къош чамчы болур.