- Кийимни бир кюнню аясанг, минг кюннге джарар.
- Элиб деген, элге болушур.
- Ишлемеген – тишлемез.
- Къонакъ болсанг, ийнакъ бол.
- Ана – юйню кюн джарыгъы.
- Иши джокъну, сыйы джокъ.
- Иги адам абынса да, джангылмаз.
- Бети къызарыучу адамны, джюреги харам болмаз.
- Тешигини къатында, чычхан да батыр болур.
- Кёбден умут этиб, аздан къуру къалма.
- Орну джокъну – сыйы джокъ.
- Дуния аламаты сен эсенг да, игиме деб айтма.
- Ач келгенни – тойдур, кеч келгенни – къондур.
- Эл тойса, тоймагъан, эл къойса, къоймагъан.
- Адамны аты башхача, акъылы да башхады.
- Къартны бурнун сюрт да, оноугъа тут.
- Урунуу – насыбны анасы.
- Айранын берсенг, челегин да къызгъанма.
- Эр сокъур болсун, къатын тилсиз болсун.
- Аджашханны ызындагъы кёреди, джангылгъанны джанындагъы биледи.
- Хар зат кесини орнуна иги.
- Керек ташны ауурлугъу джокъ.
- Ашда уялгъан – мухар, ишде уялгъан – хомух.
- Джюрек кёзден алгъа кёрюр.
- Халкъны джырын джырласанг, халкъ санга эжиу этер.
- Ашха уста, юйюнде болсун
- Тыш элде солтан болгъандан эсе, кесинги элде олтан болгъан игиди!
- Ачыу алгъа келсе, акъыл артха къалады.
- Джылар джаш, атасыны сакъалы бла ойнар.
- Душманны тышы – акъ, ичи – къара.
- Суугъа – таянма, джаугъа – ийнанма.
- Джан саулукъ бермей, сан саулукъ бермезсе.
- Биреуге аманлыкъ этиб, кесинге игилик табмазса.
- Атлыны ашхысы, ат тизгининден билинир
- Джылкъыдан – ат чыгъар, тукъумдан – джаш чыгъар.
- Кеси юйюмде мен да ханма.
- Бал – татлы, балдан да бала – татлы.
- Ариу сёз – къылычдан джити.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Шекер бла туз – бир болмаз, ушамагъан – юй болмаз.
- Соргъан айыб тюлдю, билмеген айыбды.
- Джыланны къуйругъундан басарынг келсе, аны башы болгъанын унутма.
- Тилчиден кери бол.
- Эки къатын алгъанны къулагъы тынгнгаймаз.
- Адам туугъан джеринде, ит тойгъан джеринде.
- Чомартны къолу берекет.
- Къайтырыкъ эшигинги, къаты уруб чыкъма.
- Гитче джилтин уллу элни джандырыр.
- «Ёгюз, джаргъа джууукъ барма, меннге джюк боллукъса», - дегенди эшек.
- Борчунг бар эсе, хурджунунга ойлаб узал.
Новый альбом
03.08.2016