Эльбрусоид :: Эльбрусоид :: Эльба

Термилгенинги табмазса, кюлгенинге тюберсе.
Дууулдаса – бал чибин, къонса – къара чибин.
Кёлсюзден сёзсюз тууар.
Суу ичген шауданынга тюкюрме.
Сёз – кюмюш, джыр – алтын.
Ишлегенден, къарагъан уста.
Къууут – джелге, берне – бошха.
Терслик кетер, тюзлюк джетер.
Сёлеш деб шай берген, тохта деб, сом берген.
Къошда джокъгъа – юлюш джокъ.
Къайтырыкъ эшигинги, къаты уруб чыкъма.
Ана къойну – балагъа джандет.
Ётюрюкчюню шагъаты – къатында.
Кёрмегеннге кебек – танг, битмегеннге сакъал – танг.
Ач да бол, токъ да бол – намысынга бек бол.
Джолда аягъынга сакъ бол, ушакъда тилинге сакъ бол.
Иги сеники эсе да, сюйген кесимикин этеме.
Эрине къаргъыш этген къатын, эрнин къабар.
Мухарны эси – ашарыкъда.
Кютгени беш эчки, сызгъыргъаны уа, джерни джарады.
Ёлген аслан – сау чычхан.
Айырылгъанланы айю ашар, бёлюннгенлени бёрю ашар.
Таукел адам тау тешер.
Ариу сёз аурууунгу алыр.
Ачны эсинде – аш.
Адеб базарда сатылмаз.
Уллу атлама – абынырса, уллу къабма – къарылырса.
Эркиши – от, тиширыу – суу.
Тыш элде солтан болгъандан эсе, кесинги элде олтан болгъан игиди!
Бойнуму джети джерден кессенг да, мен ол ишни этеллик тюлме.
Джыланны къуйругъундан басарынг келсе, аны башы болгъанын унутма.
Орну джокъну – сыйы джокъ.
Биреу къой излей, биреу той излей.
Ёгюзню мюйюзлери ауурлукъ этмейдиле.
Байдан умут эте, джарлыдан ёгюз багъасы къорады.
Эли джокъну – кёлю джокъ.
Ушамагъан – джукъмаз.
Байлыкъ келсе, акъыл кетер.
Тешигини къатында, чычхан да батыр болур.
Билмезни кёзю кёрмез, этмезни къулагъы эшитмез.
Ашда – бёрю, ишде – ёлю.
Дуния малгъа сатылма, кесингден телиге къатылма.
Ишлемеген – тишлемез.
Ойнаб айтсанг да, эслеб айт.
Чомартха Тейри да борчлуду.
Накъырданы арты керти болур.
Акъыллы айтыр эди, акъылсыз къоймайды.
Миллетни бойну – базыкъ, аны бла кюрешген – джазыкъ.
Джашлыкъ этмеген, башлыкъ этмез.
Сабийни джумушха джибер да, ызындан бар.