- Эл ауузу – элия.
- Нёгерсизни джолу узун.
- Термилгенинги табмазса, кюлгенинге тюберсе.
- Къонакъ кёб келюучю юйню, къазаны отдан тюшмез.
- Гырджын – тепсини тамадасы.
- Кёб ант этген, кёб ётюрюк айтыр.
- Келинин тута билмеген, къул этер, къызын тута билмеген, тул этер.
- Тау башында, тау болмаз, джангыз терек, бау болмаз.
- Рысхысына кёре, джаш ёсер, къышлыгъына кёре, мал ёсер.
- Арыгъан къош чамчы болур.
- Мал тутхан – май джалар.
- Юйюнг бла джау болгъандан эсе, элинг бла джау бол.
- Биреуге аманлыкъны тилеме да, кесинге ашхылыкъны тиле.
- Сёз садакъдан кючлюдю.
- Чыбыкълыкъда бюгюлмеген, къазыкълыкъда бюгюлмей эди.
- Ашыкъгъан cуу, тенгизге джетмез.
- Эки элинги тыйсанг, джети элде махталырса.
- Билим насыб берир, билим джолну керир.
- Байны оноуу, джарлыгъа джарамаз.
- Аман киши кеси юйюнде – къонакъ.
- Билим ат болуб да чабар, къуш болуб да учар.
- Татлы сёз – балдан татлы.
- Онгсузну – джакъла, тенгликни – сакъла.
- Атлыны кёрсе, джаяуну буту талыр.
- Сёз – кюмюш, джыр – алтын.
- Миллетни бойну – базыкъ, аны бла кюрешген – джазыкъ.
- «Ёгюз, джаргъа джууукъ барма, меннге джюк боллукъса», - дегенди эшек.
- Таукелге нюр джауар.
- Шекер бла туз – бир болмаз, ушамагъан – юй болмаз.
- Керилген да, ургъан кибикди.
- Тюкюрюк баш джармаз, налат кёз чыгъармаз!
- Юй кюйдю да, кюйюз чыкъды, ортасындан тюйюш чыкъды.
- Джыгъылгъанны сырты джерден тоймаз.
- Чомарт бергенин айтмаз.
- Адам къаллай бир ишленмесе, аллай бир кесин уллу кёреди.
- Ач – эснер, ат – кишнер.
- Арпа, будай – ащды, алтын, кюмюш а – ташды.
- Аш кетер да бет къалыр.
- Узун джолну барсанг, бюгюн келирсе, къысха джолну барсанг, тамбла келирсе.
- Тёзген – тёш ашар!
- Ёлген ийнек сютлю болур.
- Чабакъгъа акъыл, табагъа тюшсе келеди.
- Айтхан – тынч, этген – къыйын.
- Ашаса, ашамаса да, бёрюню ауузу – къан.
- Байма, деб да, къууанма, джарлыма, деб да, джылама.
- Аманны эки битли тону болур, бирин сеннге кийдирир, бирин кеси киер.
- Джогъун бар этген, барын бал этген.
- Акъыллы айтыр эди, акъылсыз къоймайды.
- Аджашхан тёгерек айланыр.
- Ханы къызы буюгъа-буюгъа киштик болду.
Эльба - Чё 3 года
06.01.2016