Эльбрусоид :: Эльбрусоид :: Эльба

Тюзню ётмеги тюзде къалса да, тас болмаз.
Ойнай билмеген, оюн бузар.
Сабий болмагъан джерде, мёлек болмаз.
Илму – джашауну джолу.
Aдам боллукъ, сыфатындан белгили.
Гырджын – тепсини тамадасы.
Аджашхан тёгерек айланыр.
Хансыз джомакъ болмаз.
Ана – юйню кюн джарыгъы.
Къолу уллу – асыу, аягъы уллу – джарсыу.
Къазанчы аман болса, къазаны къайнамаз.
Айран ичген – къутулду, джугъусун джалагъан – тутулду.
Таукел адам тау тешер.
Бозаны арты дауур болур.
Адамны сыфатына къарама, сёзюне къара.
Атлыны ашхысы, ат тизгининден билинир
Аш хазыр болса, иш харам болур.
Къонакъ аман болса, къонакъбай джунчур
Ханы къызы буюгъа-буюгъа киштик болду.
Чакъырылмагъан джерге барма, чакъырылгъан джерден къалма.
Бал – татлы, балдан да бала – татлы.
Къартны бурнун сюрт да, оноугъа тут.
Ариу сёз аурууунгу алыр.
Къыз чыгъаргъан – къызыл къымжа.
Сууда джау джокъ, кёб сёзде магъана джокъ.
Акъыллы айтыр эди, акъылсыз къоймайды.
Аманны тукъумуна къарама, игини тукъумун сорма.
Ариу сёз – къылычдан джити.
Джолунга кёре – джюрюшюнг, джагъанга кёре – юлюшюнг.
Джаш болсун, къыз болсун, акъылы, саны тюз болсун.
Тилчи бир сагъатха айлыкъ хата этер.
Къонагъынгы артмагъын алма да, алгъышын ал.
Ариу сёз джыланны орнундан чыгъарыр.
Адам сёзге тынгыла, акъыл сёзню ангыла.
Къууут – джелге, берне – бошха.
Ишлерге уял да, ашаргъа табма.
Малны кют, джерни тюрт.
Ётюрюкню башын керти кесер.
Эркиши – от, тиширыу – суу.
Къатын къылыкъсыз, эр тынчлыкъсыз.
Алгъанда – джууукъ, бергенде – джау.
Телиге акъыл салгъандан эсе, ёлгеннге джан салырса.
Бозанг болмагъан джерге, къалагъынгы сукъма.
Тойгъан антын унутур.
Биреуню тёрюнден, кесинги эшик артынг игиди.
Ауругъан – джашаудан умутчу.
Дуния малгъа сатылма, кесингден телиге къатылма.
Аман адам этегингден тутса, кес да къач.
Биреуню къыйынлыгъы бла кесинге джол ишлеме.
Ана къолу ачытмаз.