Эльбрусоид :: Эльбрусоид :: Эльба

Халкъны юйю – туугъан джери.
Аууздан келген, къолдан келсе, ким да патчах болур эди.
Аз сёлеш, кёб ишле.
Акъыллы башны – тили къысха.
Тешик этген тынчды, аны джамагъан къыйынды.
Къыз чыгъаргъан – къызыл къымжа.
Тилсиз миллет джокъ болур.
Абынмазлыкъ аякъ джокъ, джангылмазлыкъ джаякъ джокъ.
Ишлерге уял да, ашаргъа табма.
Сакъламагъан затынга джолукъсанг, не бек къууанаса, не бек ачыйса.
Адамны аты башхача, акъылы да башхады.
Аш берме да, къаш бер.
Биреу ашаб къутулур, биреу джалаб тутулур.
Тойну къарнашы – харс, джырны къарнашы – эжиу.
Сагъышы джокъ – джукъучу, акъылы джокъ – къаугъачы.
Чыбыкълыкъда бюгюлмеген, къазыкълыкъда бюгюлмей эди.
Миллетни бойну – базыкъ, аны бла кюрешген – джазыкъ.
Минг тенг да азды, бир джау да кёбдю.
Эркишиге тары кебек танг кёрюнюр.
Ана кёлю – балада, бала кёлю – талада.
Джаш болсун, къыз болсун, акъылы, саны тюз болсун.
Башы джабылгъан челекге, кир тюшмез.
Эски джаугъа ышанма.
Ханы къызы буюгъа-буюгъа киштик болду.
Ишге юренсин къоллары, халкъ бла болсун джоллары.
Ариу сёз аурууунгу алыр.
Ашхы болсанг, атынг чыгъар, аман болсанг, джанынг чыгъар.
Босагъагъа джууукъ орун болса, ашыгъыб тёрге озма.
Джаным-тиним – окъуу, билим.
Ариу сёз джыланны орнундан чыгъарыр.
Кёбден умут этиб, аздан къуру къалма.
Кесине оноу эте билмеген, халкъына да эте билмез.
Элге къуллукъ этмеген, элге ие болмаз.
Кёзюнде тереги болгъан, чёбю болгъаннга кюле эди.
Джарлы тюеге минсе да, ит къабар.
Сибиртки да сыйлы болду, кюрек да кюнлю болду.
Ашына кёре табагъы, балына кёре къалагъы.
Адамны сыфатына къарама, сёзюне къара.
Ариу сёз – къылычдан джити.
Байлыкъ адамны сокъур этер.
Билмейме деген – бир сёз
Айран ичген – къутулду, джугъусун джалагъан – тутулду.
Адам сёзге тынгыла, акъыл сёзню ангыла.
Ачлыкъ отха секиртир.
Ишленмеген джаш – джюгенсиз ат, ишленмеген къыз – тузсуз хант.
Ышармагъан – кюлмез, кюлмеген – къууанчны билмез.
Мураты болгъанны джюрек тебюую башхады.
Арбаз сайлама да, хоншу сайла.
Айтхан – тынч, этген – къыйын.
Къонакъны къачан кетерин сорма, къачан келлигин сор.