Эльбрусоид :: Эльбрусоид :: Эльба

Соргъан айыб тюлдю, билмеген айыбды.
Эркишиге тары кебек танг кёрюнюр.
Ач бёрюге мекям джокъ.
Ауругъан – джашаудан умутчу.
Сууда джау джокъ, кёб сёзде магъана джокъ.
Айранны сюйген, ийнек тутар.
Сютню башын джалагъан къутулур, тюбюн ичген тутулур.
Чомарт къонакъ юй иесин сыйлар.
Ханы къызы буюгъа-буюгъа киштик болду.
Ашлыкъны арба юйге келтирир, чана базаргъа элтир.
Къартны бурнун сюрт да, оноугъа тут.
Юй кюйдю да, кюйюз чыкъды, ортасындан тюйюш чыкъды.
Элиб деген, элге болушур.
Керек ташны ауурлугъу джокъ.
Тешик этген тынчды, аны джамагъан къыйынды.
Тау башында, тау болмаз, джангыз терек, бау болмаз.
Къонакъ аз олтурур, кёб сынар.
Джыланны къуйругъундан басарынг келсе, аны башы болгъанын унутма.
Джыгъылгъанны сырты джерден тоймаз.
Байны оноуу, джарлыгъа джарамаз.
Ёзденликни кёбю ётюрюк.
Душманны тышы – акъ, ичи – къара.
Урунуу – насыбны анасы.
Айырылмаз джууугъунга, унутмаз сёзню айтма.
Акъыллы башны – тили къысха.
Тил – миллетни джаны.
Битмегеннге сакъал – танг.
Билмейме деген – бир сёз
Тилчи тилден къаныкъмаз.
Тиширыусуз юй – отсуз от джагъа.
Мухар, кеси тойса да, кёзю тоймаз.
Джаш болсун, къыз болсун, акъылы, саны тюз болсун.
Ач уят къоймаз.
Намыс сатылыб алынмайды.
Аман киши кеси юйюнде – къонакъ.
Аманнга да, игиге да оноусуз къатышма.
Тюзлюк шохлукъну бегитир.
Байны къызы баймакъ болса да, юйде къалмаз!
Сёз – кюмюш, джыр – алтын.
Ариу сёз джыланны орнундан чыгъарыр.
Акъыл неден да кючлюдю.
Ашына кёре табагъы, балына кёре къалагъы.
Ариу – кёзге, акъыл – джюрекге.
Нёгерсизни джолу узун.
Ачыу алгъа келсе, акъыл артха къалады.
Тойгъандан сора, ашны сёкме.
Къонакъ хазыр болгъанлыкъгъа, къонакъбай хазыр тюлдю.
Аууз сакълагъан – джан сакълар.
Элге къуллукъ этмеген, элге ие болмаз.
Аурууну келиую тынч, кетиую – къыйын.