Эльбрусоид :: Эльбрусоид :: Эльба

Джукъу тёшек сайламайды.
Ётюрюк хапар аякъ тюбю бла джюрюйдю.
Халкъны юйю – туугъан джери.
Сабий кёргенин унутмаз.
Атлыны кёрсе, джаяуну буту талыр.
Намысы джокъну – дуниясы джокъ.
Джаш болсун, къыз болсун, акъылы, саны тюз болсун.
Окъдан джара эртде-кеч болса да бителир, сёз джара, ёмюрге къалыр.
Кийим тукъум сордурур.
Адам къаллай бир ишленмесе, аллай бир кесин уллу кёреди.
Телиге от эт десенг, юйюнге от салыр.
Джол бла сёзню къыйыры джокъ.
Эки къатын алгъан – эки ташны ортасына башын салгъан.
Кенгеш болса, уруш болмаз.
Нёгерсизни джолу узун.
Сагъышы джокъ – джукъучу, акъылы джокъ – къаугъачы.
Къарын къуру болса, джюрек уру болур.
Бал ашаргъа сюе эсенг, чибин ургъаннга тёз.
Тик ёргени, тик энгишгеси да болады.
Джетген къыз джерли эшекни танымаз.
Билген билмегенни юретген адетди.
Ёлмесенг да, къарт дамы болмазса?
Тёрде – темир таякълы, къаяда – чыпчыкъ аякълы.
Тилде сюек болмаса да, сюек сындырыр.
Ургъан суудан башынгы сакъла.
Башы джабылгъан челекге, кир тюшмез.
Артына баргъанны, къатына барма.
Тау башында, тау болмаз, джангыз терек, бау болмаз.
Орну джокъну – сыйы джокъ.
Бети – къучакълар, джюреги – бычакълар.
Ауузу бла къуш тута айланады.
От этилмеген джерден тютюн чыкъмайды.
Уллу къазанда бишген эт, чий къалмаз.
Этни бети бла шорпасы.
Ойнай-ойнай кёз чыгъар.
Ариу сёз – джаннга азыкъ, аман сёз – башха къазыкъ.
Тыш элде солтан болгъандан эсе, кесинги элде олтан болгъан игиди!
Къонакъны къачан кетерин сорма, къачан келлигин сор.
Ашаса, ашамаса да, бёрюню ауузу – къан.
Элиб деген, элге болушур.
Къонакъ аз олтурур, кёб сынар.
Иги болса, тамадама – махтау, аман болса, меннге – айыб.
Босагъагъа джууукъ орун болса, ашыгъыб тёрге озма.
Баргъанынга кёре болур келгенинг.
Уллу айтханны этмеген – уллаймаз.
Атлыны ашхысы, ат тизгининден билинир
Арбаз сайлама да, хоншу сайла.
Джаралыны джастыгъында сау ёлюр.
Акъыллы башны – тили къысха.
Къарт айтханны этмеген, къартаймаз.