- Кёлю джокъну – джолу джокъ.
- Ана къолу ачытмаз.
- Босагъа таш юйге кирмей эди, тыбыр таш эшикге чыкъмай эди.
- Акъыл аздырмаз, билим тоздурмаз.
- Билмейме деген – бир сёз
- Ёксюзню тилеги къабыл болур.
- Таукел къуру къалмаз.
- Къыйынлы джети элге оноу этер.
- Тамырсыз терекге таянма – джыгъылырса.
- Ишни аллы бла къууанма да, арты бла къууан.
- Къарнынг къанлынга кийирир.
- Онгсузну – джакъла, тенгликни – сакъла.
- Ышармагъан – кюлмез, кюлмеген – къууанчны билмез.
- Ата – баланы уясы.
- Адамны артындан къара сабан сюрме.
- Чакъырылмай келген къонакъ сыйланмай кетер.
- Чомарт джарлы болмаз.
- Чакъырылмагъан къонакъ тёрге атламаз.
- Ашда уялгъан – мухар, ишде уялгъан – хомух.
- Джукъу тёшек сайламайды.
- Чалманны аллы къалай башланса, арты да алай барады.
- Татлы тилде – сёз ариу, чемер къолда – иш ариу.
- Айтхан – тынч, этген – къыйын.
- Тенги кёбню джау алмаз, акъылы кёбню дау алмаз.
- Къайгъыны сюйген, къайгъы табар.
- Ишни ахырын ойламай, аллын башлама.
- Ашхы – джыяр, аман – джояр.
- Мухардан ач ычхынмаз.
- Чакъырылмагъан къонакъ къачан кетерин сормаз.
- Аш берме да, къаш бер.
- Ашлыкъ – бюртюкден, джюн – тюкден.
- Тойну къарнашы – харс, джырны къарнашы – эжиу.
- Ишлегенде эринме, ишде чолакъ кёрюнме.
- Игилик игилик бла сингдирилиучю затды.
- Тёрде – темир таякълы, къаяда – чыпчыкъ аякълы.
- Азыкълы ат арымаз, къатыны аман джарымаз.
- Этек чакъмакълары баш джаргъан, сёлешген сёзлери таш джаргъан.
- Рысхы – сют юсюнде кёмюк кибикди.
- Окъдан джара эртде-кеч болса да бителир, сёз джара, ёмюрге къалыр.
- Аманны эки битли тону болур, бирин сеннге кийдирир, бирин кеси киер.
- Къолу уллу – асыу, аягъы уллу – джарсыу.
- Чарсда алчыны эл кёреди.
- Ач да бол, токъ да бол – намысынга бек бол.
- Къоркъакъны кёзю экили кёрюр.
- Терек ауса, отунчу – кёб.
- Эртде тургъан бла эртде юйленнген сокъуранмаз.
- Айтылгъан сёз ызына къайтмаз.
- «Ёгюз, джаргъа джууукъ барма, меннге джюк боллукъса», - дегенди эшек.
- Нарт сёз – тилни бети.
- Сагъыш – къартлыкъгъа сюйюмчю.
Эльба - Чё 3 года
06.01.2016
