- Иесиз малны бёрю ашар.
- Телини эшигин, махтау джабар.
- Таукелге нюр джауар.
- Ауурну тюбю бла, дженгилни башы бла джюрюген.
- Нарт сёз къарт болмаз.
- Чомартны къолун джокълукъ байлар.
- Ёнгкюч къууана барыр, джылай келир.
- Таукел тауну аудурур.
- Чабакъсыз кёлге къармакъ салгъанлыкъгъа, чабакъ тутмазса.
- Къызны минг тилер, бир алыр.
- Телиге от эт десенг, юйюнге от салыр.
- Кенгеш болса, уруш болмаз.
- Башланнган иш битер, къымылдагъан тиш тюшер.
- Байдан умут эте, джарлыдан ёгюз багъасы къорады.
- Джаралыны джастыгъында сау ёлюр.
- Нёгер болсанг, тенг бол, тенг болмасанг, кенг бол.
- Тёрени джагъы джокъ.
- Оюмсуз атлагъан, аджалсыз ёлюр.
- Ана кёлю – балада, бала кёлю – талада.
- Къыз келсе, джумуш эте келеди, къатын келсе, ушакъ эте келеди.
- Тойгъандан сора, ашны сёкме.
- Кёбню кёрген – кёб билир.
- Кийиминг бла танылма, адамлыкъ бла таныл.
- Гугурук къычырмаса да, тангны атары къалмаз.
- Бек ашыкъгъан меннге джетсин, дегенди аракъы.
- Борчунг бар эсе, хурджунунга ойлаб узал.
- Алтыннга тот къонмаз.
- Айырылмаз джууугъунга, унутмаз сёзню айтма.
- Дуния малгъа сатылма, кесингден телиге къатылма.
- Тюзню ётмеги тюзде къалса да, тас болмаз.
- Бермеген къол, алмайды.
- Бал чибинни ургъаны – ачы, балы – татлы.
- Ариу джол аджал келтирмез.
- Джашлыкъ этмеген, башлыкъ этмез.
- Къарнынг ауруса, ауузунгу тый
- Экеулен сёлеше тура эселе, орталарына барыб кирме.
- Къонакъ аман болса, къонакъбай джунчур
- Кёзню ачылгъаны – иги, ауузну джабылгъаны – иги.
- Ишни аллы бла къууанма да, арты бла къууан.
- Ауузу бла къуш тута айланады.
- Арба аугъандан сора, джол кёргюзтюучю кёб болур.
- Уллу айтханны этмеген – уллаймаз.
- Адебсиз адам – джюгенсиз ат.
- Тилчиден кери бол.
- Тойгъан джерден туугъан джер игиди.
- Эли джокъну – кёлю джокъ.
- Адамны аты башхача, акъылы да башхады.
- Иги сёз – джаннга азыкъ, аман сёз башха – къазыкъ.
- Къан бла кирген, джан бла чыгъар.
- Аджашханны ызындагъы кёреди, джангылгъанны джанындагъы биледи.
romantik
|