- Джуртун къоругъан озар.
- Ач уят къоймаз.
- Чёбню кёлтюрсенг, тюбюнден сёз чыгъар.
- Джашны джигитлиги сорулур, къызны джигерлиги сорулур.
- Къыйынлы джети элни къайгъысын этер.
- Ауругъан – джашаудан умутчу.
- Чабакъ башындан чирийди.
- Ач бёрюге мекям джокъ.
- Джарлы джети элни сёзюн этер.
- Келинин тута билмеген, къул этер, къызын тута билмеген, тул этер.
- Ана къойну – балагъа джандет.
- Джюрекден джюрекге джол барды.
- Ишни ахырын ойламай, аллын башлама.
- Джиби бир къат джетмей эди да, эки къат тарта эди.
- Байлыкъ тауусулур, билим тауусулмаз.
- Ариу сёз – джаннга азыкъ, аман сёз – башха къазыкъ.
- Таула не мийик болсала да, аууш табылыр.
- Ат да турмайды бир териде.
- Окъуусуз билим – джокъ, билимсиз кюнюнг – джокъ.
- Джыгъылгъанны сырты джерден тоймаз.
- Айтхан – тынч, этген – къыйын.
- Ауузу аманнга «иги», деме.
- Бир онгсуз адам адет чыгъарды, деб эштирик тюлсе.
- Чабар ат – джетген къыз.
- Сютден ауузу кюйген, суугъа юфгюре эди.
- Акъыл аздырмаз, билим тоздурмаз.
- Уллу къашыкъ эрин джыртар.
- Тил – миллетни джаны.
- Ач, тоймам, дейди, тойгъан, ач болмам, дейди.
- Кёкдеги болмаса, джердегин кёрмейди.
- Ётюрюкню башын керти кесер.
- Зарда марда джокъ.
- Тик ёргени, тик энгишгеси да болады.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ёлген эшек бёрюден къоркъмайды.
- Аз айтсам, кёб ангылагъыз.
- Къарт айтханны этмеген, къартаймаз.
- Баланы адам этген анады.
- Юреннген ауруу къалмаз.
- Кесине гебен этелмеген, биреуге черен эте эди.
- Таякъ этден ётер, тил сюекден ётер.
- Кирсизни – саны таза, халалны – къаны таза.
- Джаш болсун, къыз болсун, акъылы, саны тюз болсун.
- Хансыз джомакъ болмаз.
- Джарлыны тону джаз битер.
- Айраннга суу къош, телиге джол бош.
- Игиге айтсанг – билир, аманнга айтсанг – кюлюр.
- Кёб къычыргъандан – къоркъма, тынч олтургъандан – къоркъ.
- Абынмазлыкъ аякъ джокъ, джангылмазлыкъ джаякъ джокъ.
- Узун джолну барсанг, бюгюн келирсе, къысха джолну барсанг, тамбла келирсе.
Эльба - Чё 3 года
06.01.2016