- Мухар, кеси тойса да, кёзю тоймаз.
- Накъырда – кертини келечиси.
- Дууулдаса – бал чибин, къонса – къара чибин.
- Юре билмеген ит, къонакъ келтирир.
- Кёбге таш атма.
- Акъылсызны джууукъгъа алма, акъыллыны кенгнге салма.
- Окъугъан озар, окъумагъан тозар.
- Акъыл бла адеб эгизледиле.
- Кёб джат да, бек чаб.
- Тенгни тенглиги джашай барсанг билинир.
- Тешик этген тынчды, аны джамагъан къыйынды.
- Таш ата билмеген, башына урур.
- Адеб этмеген, адеб кёрмез.
- Бети – къучакълар, джюреги – бычакълар.
- Айыбны суу бла джууалмазса.
- Ёгюзню мюйюзлери ауурлукъ этмейдиле.
- Ат да турмайды бир териде.
- Оюмсуз атлагъан, аджалсыз ёлюр.
- Бал ашаргъа сюе эсенг, чибин ургъаннга тёз.
- Бозанг болмагъан джерге, къалагъынгы сукъма.
- Тамчы таш тешер.
- Айраннга суу къош, телиге джол бош.
- Мадар болса, къадар болур.
- Этни бети бла шорпасы.
- Къыз чыгъаргъан – къызыл къымжа.
- Аш хазыр болса, иш харам болур.
- Джауумдан сора, кюн кюйдюрюр, ётюрюкден сора, айыб кюйдюрюр.
- Насыб бютеу халкъны юлюшюдю.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Чыбыкълыкъда бюгюлмеген, къазыкълыкъда бюгюлмей эди.
- Аманны къуугъан, аманлыкъ табар.
- Къралынгы – душмандан, башынгы от бла суудан сакъла.
- Адамны сыфатына къарама, сёзюне къара.
- Тамбла алтындан бюгюн багъыр ашхы.
- Баш болса, бёрк табылыр.
- Адамны адамлыгъы къыйынлыкъда айгъакъланады.
- Къолунгдан къуймакъ ашатсанг да, атаны борчундан къутулмазса.
- Бир онгсуз адам адет чыгъарды, деб эштирик тюлсе.
- Джюрекге ариу – кёзге да ариу.
- Чакъырылмагъан къонакъ – орунсуз.
- Иги адам абынса да, джангылмаз.
- Ётген ёмюр – акъгъан суу.
- Намыс сатылыб алынмайды.
- Зар адамны насыбы болмаз.
- Азыкълы ат арымаз, къатыны аман джарымаз.
- Дуния аламаты сен эсенг да, игиме деб айтма.
- Аз сёлешген, къайгъысыз турур.
- Эллинг бла джау болсанг да, юйюнг бла джау болма.
- Тау башында, тау болмаз, джангыз терек, бау болмаз.
- Тай асырагъан, атха минер.
Эльба - Чё 3 года
06.01.2016