- Джукъу тёшек сайламайды.
- Сёлеш деб шай берген, тохта деб, сом берген.
- Айранын берсенг, челегин да къызгъанма.
- Накъырда – кертини келечиси.
- Адамны адамлыгъы къыйынлыкъда айгъакъланады.
- Сууда джау джокъ, кёб сёзде магъана джокъ.
- Бети – къучакълар, джюреги – бычакълар.
- Душманны тышы – акъ, ичи – къара.
- Ишни ахырын ойламай, аллын башлама.
- Агъач – джерни чырайы, кийим – эрни чырайы.
- Къарнынг ауруса, ауузунгу тый
- Адам къыйынлыгъын кёлтюрюр, зауукълугъун кёлтюрмез.
- Айтханы чапыракъдан ётмеген.
- Билмезни кёзю кёрмез, этмезни къулагъы эшитмез.
- Адам боллукъ, атламындан белгили болур.
- Тынгылагъан тынгы бузар.
- Тойгъа алгъа да барма, тойда артха да къалма.
- Тил – кесген бычакъ, сёз – атылгъан окъ.
- Къатыны харакетли болса, эри къымсыз болур.
- Мен да «сен», дейме, сен да «кесим», дейсе.
- Атлыны кёрсе, джаяуну буту талыр.
- Адеб джокъда, намыс джокъ.
- Хатерли къул болур.
- Джол бла сёзню къыйыры джокъ.
- Адам туугъан джеринде, ит тойгъан джеринде.
- Акъыл неден да кючлюдю.
- Элни кючю – эмеген.
- Суу кетер, таш къалыр.
- Рысхы – насыбха къор.
- Хоншуну тауугъу къаз кёрюнюр, келини къыз кёрюнюр.
- Чомарт джарлы болмаз.
- Къыйынлы джети элни къайгъысын этер.
- Джеринден айырылгъан – джети джылар, джуртундан айырылгъан – ёлгюнчю джылар.
- Къанны къан бла джуума, аманны аман бла къуума.
- Баш болса, бёрк табылыр.
- Аманны эки битли тону болур, бирин сеннге кийдирир, бирин кеси киер.
- Азыкъ аз болса, эртде орун сал.
- Харам къарнашдан, халал тенг ашхы.
- Тёзгеннге, джабылгъан эшик ачылыр.
- Тенгинг джокъ эсе – изле, бар эсе – сакъла!
- Аман киши кеси юйюнде – къонакъ.
- Тура эдим джата, къайдан чыкъды хата?
- Абынмазлыкъ аякъ джокъ, джангылмазлыкъ джаякъ джокъ.
- Ариу сёз – къылычдан джити.
- Чалманны аллы къалай башланса, арты да алай барады.
- Алтыннга тот къонмаз.
- Къууут – джелге, берне – бошха.
- Азыкълы ат арымаз, къатыны аман джарымаз.
- Иши джокъну, сыйы джокъ.
- Къонакъны къачан кетерин сорма, къачан келлигин сор.
Эльба - Чё 3 года
06.01.2016