Эльбрусоид :: Эльбрусоид :: Эльба

Харам къарнашдан, халал тенг ашхы.
Ауузу аманнга «иги», деме.
Гыдай эчки суугъа къараб, мюйюзле кёрмесе, джашма алкъын, дегенди.
Келинни – келгинчи, бёркню кийгинчи кёр.
Ачлыкъда тары гырджын халыуадан татлы.
Тешик этген тынчды, аны джамагъан къыйынды.
Эшекни не къадар тюйсенг да, ат болмаз.
Дуния мал дунияда къалады.
Юре билмеген ит, къонакъ келтирир.
Атынг аманнга чыкъгъандан эсе, джанынг тамагъынгдан чыкъсын.
Рысхысына кёре, джаш ёсер, къышлыгъына кёре, мал ёсер.
Мен да «сен», дейме, сен да «кесим», дейсе.
Кесинге джетмегенни, кёб сёлешме.
Башсыз урчукъ тюзюне айланмаз.
Хата – гитчеден.
Тин – байлыгъынг, терен саулугъунг.
Билими азны – ауузунда кирит.
Къонакъны къачан кетерин сорма, къачан келлигин сор.
Ариу – кёзге, акъыл – джюрекге.
Артына баргъанны, къатына барма.
Баланы адам этген анады.
Ашхы – джыяр, аман – джояр.
Билим насыб берир, билим джолну керир.
Суугъа – таянма, джаугъа – ийнанма.
Ханы къызы буюгъа-буюгъа киштик болду.
Ашхылыкъ джерде джатмайды, аманлыкъ суугъа батмайды.
Сагъышы джокъ – джукъучу, акъылы джокъ – къаугъачы.
Адебсиз адам – джюгенсиз ат.
Адам бла мюлк юлешмеген эсенг, ол адамны билиб бошагъанма, деб кесинги алдама.
Джолда аягъынга сакъ бол, ушакъда тилинге сакъ бол.
Чомарт къонакъ юй иесин сыйлар.
Иши джокъну, сыйы джокъ.
Айырылгъанланы айю ашар, бёлюннгенлени бёрю ашар.
Ойнай билмеген, уруб къачар.
Илму – джашауну джолу.
Термилгенинги табмазса, кюлгенинге тюберсе.
Биреуге аманлыкъны тилеме да, кесинге ашхылыкъны тиле.
Сакъ юйюне сау барыр.
Эркишиге тары кебек танг кёрюнюр.
Аллахха ийнаннган кишини, Аллах онгдурур ишин.
Бичгенде ашыкъма, тикгенде ашыкъ.
Рысхы джалгъанды: келген да этер, кетген да этер.
Экеулен сёлеше тура эселе, орталарына барыб кирме.
Тыш элде солтан болгъандан эсе, кесинги элде олтан болгъан игиди!
Къыз тиширыу кеси юйюнде да къонакъды.
Уллу къазанда бишген эт, чий къалмаз.
Кесине оноу эте билмеген, халкъына да эте билмез.
Тойгъа алгъа да барма, тойда артха да къалма.
Суу да къайтады чыкъгъан джерине.
Аманны къуугъан, аманлыкъ табар.