Эльбрусоид :: Эльбрусоид :: Эльба

Къазанчы аман болса, къазаны къайнамаз.
Къазанда болса, чолпугъа чыгъар.
Къатын байлыкъны сюер, эр саулукъну сюер.
Окъ къызбайны джокълайды.
Къайгъыны сюйген, къайгъы табар.
Окъугъан – асыу, окъумагъан – джарсыу.
Таукелге нюр джауар.
Иги болса, тамадама – махтау, аман болса, меннге – айыб.
Кёкдеги болмаса, джердегин кёрмейди.
Кёб ант этген, кёб ётюрюк айтыр.
Къуру гыбыт бек дыгъырдар.
Узун джолну барсанг, бюгюн келирсе, къысха джолну барсанг, тамбла келирсе.
Ишлерге уял да, ашаргъа табма.
Ёксюзню къалачы уллу кёрюнюр.
Алтыда кюлмеген, алтмышда кюлмез.
Кюл тюбюндеги от кёрюнмейди.
Эки къатын алгъанны къулагъы тынгнгаймаз.
Ашлыкъ – бюртюкден, джюн – тюкден.
Мал кёб болса, джууукъ кёб болур.
Тешик этген тынчды, аны джамагъан къыйынды.
Нёгерсизни джолу узун.
Аман адам элни бир-бирине джау этер.
Гырджын – тепсини тамадасы.
Эл ауузу – элек, анга ийнаннган – халек.
Джаралыны джастыгъында сау ёлюр.
Таукел къуру къалмаз.
Хоншуну тауугъу къаз кёрюнюр, келини къыз кёрюнюр.
Байлыкъ адамны сокъур этер.
Адеб базарда сатылмаз.
Айтхан – тынч, этген – къыйын.
Адам къаллай бир ишленмесе, аллай бир кесин уллу кёреди.
Ачылгъан эт джабылыр, кёрген кёз унутмаз.
Ауругъан – джашаудан умутчу.
Тенгни тенглиги джашай барсанг билинир.
Тешигини къатында, чычхан да батыр болур.
Арыгъан къош чамчы болур.
Уясында не кёрсе, учханында аны этер.
Чабакъсыз кёлге къармакъ салгъанлыкъгъа, чабакъ тутмазса.
Эркиши – от, тиширыу – суу.
Хар сёзню орну барды.
Къонакъ аз олтурур, кёб сынар.
Тулпарлыкъ, билекден тюл – джюрекден.
Ауругъанны сау билмез, ач къарынны токъ билмез.
Джарлы эскисин джамаса, къууаныр.
Гыдай эчки суугъа къараб, мюйюзле кёрмесе, джашма алкъын, дегенди.
Ашхы атаны – джашы ашхы, ашхы ананы – къызы ашхы.
Сагъыш – къартлыкъгъа сюйюмчю.
Кёлсюзден сёзсюз тууар.
Эте билген, этген этеди, эте билмеген, юретген этеди!
Кёзюнде тереги болгъан, чёбю болгъаннга кюле эди.