Эльбрусоид :: Эльбрусоид :: Эльба

Тил – миллетни джаны.
Кёзю сокъурдан – къоркъма, кёлю сокъурдан – къоркъ.
Тешигини къатында, чычхан да батыр болур.
Агъач – джерни чырайы, кийим – эрни чырайы.
Эл элде бирер малынг болгъандан эсе, бирер тенгинг болсун.
Эрни эр этерик да, къара джер этерик да, тиширыуду.
Окъумагъан сокъурду, сокъур ташха абыныр!
Хансыз джомакъ болмаз.
Къартха ушагъан джаш – акъыллы, джашха ушагъан къарт – тели.
Кийим тукъум сордурур.
Билмезни кёзю кёрмез, этмезни къулагъы эшитмез.
Ауругъан – джашаудан умутчу.
Биреу къой излей, биреу той излей.
Танг атмайма десе да, кюн къоярыкъ тюйюлдю.
Атадан ёксюз – бир ёксюз, анадан ёксюз – эки ёксюз.
Джашда акъыл джокъ, къартда къарыу джокъ.
Джетген къыз джерли эшекни танымаз.
Ким бла джюрюсенг, аны кёзю бла кёрюнюрсе.
Суу да къайтады чыкъгъан джерине.
Тилсиз миллет джокъ болур.
Халкъны джырын джырласанг, халкъ санга эжиу этер.
Джиби бир къат джетмей эди да, эки къат тарта эди.
Уллу атлама – абынырса, уллу къабма – къарылырса.
Акъыл неден да кючлюдю.
Ач – эснер, ат – кишнер.
Кюн – узун, ёмюр – къысха.
Бермеген къол, алмайды.
Джырчы джырчыгъа – къарнаш.
Тюзлюк тас болмайды.
Игиге айтсанг – билир, аманнга айтсанг – кюлюр.
Оюмсуз атлагъан, аджалсыз ёлюр.
Туз, гырджын аша, тюзлюк бла джаша.
Чомартны къолу берекет.
Этек чакъмакълары баш джаргъан, сёлешген сёзлери таш джаргъан.
Башланнган иш битер, къымылдагъан тиш тюшер.
Башынга джетмегенни сорма.
Арба аугъандан сора, джол кёргюзтюучю кёб болур.
Ашына кёре табагъы, балына кёре къалагъы.
Эл ауузу – элек, анга ийнаннган – халек.
Ариу – кёзге, акъыл – джюрекге.
Джангыз торгъай джырламаз.
Ана кёлю – балада, бала кёлю – талада.
Зар адамны насыбы болмаз.
Къолу уллу – асыу, аягъы уллу – джарсыу.
Ойнай-ойнай кёз чыгъар.
Аман адам этегингден тутса, кес да къач.
Берекет берсин деген джерде, берекет болур.
Эм уллу байлыкъ – джан саулукъ.
Аман адамны тепсинге олтуртсанг, къызынгы тилер.
Байны къызы баймакъ болса да, юйде къалмаз!