Эльбрусоид :: Эльбрусоид :: Эльба

Керилген да, ургъан кибикди.
Ата Джуртча джер болмаз, туугъан элча эл болмаз.
Айраннга суу къош, телиге джол бош.
Къан бла кирген, джан бла чыгъар.
Тил – миллетни джаны.
Эл элде бирер малынг болгъандан эсе, бирер тенгинг болсун.
Айыбны суу бла джууалмазса.
Арба аугъандан сора, джол кёргюзтюучю кёб болур.
Кёбге таш атма.
Кюлме джашха – келир башха.
Аллахха ийнаннган кишини, Аллах онгдурур ишин.
Ишге юренсин къоллары, халкъ бла болсун джоллары.
Бети бедерден, намыс сакълама.
Ашхы сёз таш тешер.
Эркиши – от, тиширыу – суу.
Дуния мал дунияда къалады.
Агъач – джерни чырайы, кийим – эрни чырайы.
Ачыкъ джюрекге джол – ачыкъ.
Хар ишни да аллы къыйынды.
Баргъанынга кёре болур келгенинг.
Мал тутхан – май джалар.
Джол бла сёзню къыйыры джокъ.
Билеги кючлю, бирни джыгъар, билими кючлю, мингни джыгъар.
Онгсузну – джакъла, тенгликни – сакъла.
Джашда акъыл джокъ, къартда къарыу джокъ.
Тынгылагъан тынгы бузар.
Ёгюзню мюйюзюнден тутадыла, адамны сёзюнден тутадыла.
Булут кёкге джарашыу, уят бетге джарашыу.
Айран тёгюлсе, джугъусу къалыр.
Ауузу бла къуш тута айланады.
Келлик заман – къартлыкъ келтирир, кетген заман – джашлыкъ ёлтюрюр.
Гугук кесини атын айтыб къычыргъанча, мен, мен деб нек тураса?
Тели турса – той бузар.
Къарт айтханны этмеген, къартаймаз.
Хар сёзню орну барды.
Сабыр джетер муратха, сабырсыз къалыр уятха.
Къазанны башы ачыкъ болса, итге уят керекди.
Иесиз малны бёрю ашар.
Зар адамны насыбы болмаз.
Джангыз торгъай джырламаз.
Джарлы эскисин джамаса, къууаныр.
Аманнга алтын чыдамаз.
Кёз – сюйген джерде, къол – ауругъан джерде.
Чабар ат – джетген къыз.
Танг атмайма десе да, кюн къоярыкъ тюйюлдю.
Ачны эсинде – аш.
Шапа кёб болса, аш татымсыз болур.
Къыйынлы джети элге оноу этер.
Тай асырагъан, атха минер.
Намыс сатылыб алынмайды.