- Узун джолну барсанг, бюгюн келирсе, къысха джолну барсанг, тамбла келирсе.
- Кёзю сокъурдан – къоркъма, кёлю сокъурдан – къоркъ.
- Насыблы элин сюер, насыбсыз кесин сюер.
- Джюз элде джюз ёгюзюм болгъандан эсе, джюз джууугъум болсун.
- Ёпкелегенни ашы татлы болады.
- Сагъышы джокъ – джукъучу, акъылы джокъ – къаугъачы.
- Таугъа чыгъаллыкъ эсенг, тюзде къалма.
- Аш хазыр болса, иш харам болур.
- Къыйынлы джети элге оноу этер.
- Акъыллы айтыр эди, акъылсыз къоймайды.
- Акъыллы башны – тили къысха.
- Тас болгъан бычакъны сабы – алтын.
- Дуния мал дунияда къалады.
- Байлыкъдан саулукъ ашхыды.
- Къуллукъчума, деб махтанма, къуллукъ – хаух джамчыды!
- Ёгюзню мюйюзлери ауурлукъ этмейдиле.
- Эли джокъну – кёлю джокъ.
- Сёз сёзню айтдырыр.
- Сёз – кюмюш, джыр – алтын.
- Экиндини кеч къылсанг, чабыб джетер ашхам.
- Тёгюлген тюгел джыйылмайды.
- Акъыл бла адеб эгизледиле.
- Тешигини къатында, чычхан да батыр болур.
- Айырылгъанланы айю ашар, бёлюннгенлени бёрю ашар.
- Aдам боллукъ, сыфатындан белгили.
- Элиб деген, элге болушур.
- Айтхан – тынч, этген – къыйын.
- Акъыллы эркиши атын махтар, акъылсыз эркиши къатынын махтар.
- Бети бедерден, намыс сакълама.
- Билим ат болуб да чабар, къуш болуб да учар.
- Байны къызы баймакъ болса да, юйде къалмаз!
- Къыз тиширыу кеси юйюнде да къонакъды.
- Ишлегенде эринме, ишде чолакъ кёрюнме.
- Таукел къуру къалмаз.
- Адеб базарда сатылмаз.
- Сагъыш – къартлыкъгъа сюйюмчю.
- Алма терегинден кери кетмез.
- Ач къалгъандан, кеч къалгъан къолай.
- Къарын къуру болса, джюрек уру болур.
- Керек ташны ауурлугъу джокъ.
- Джарлыны тону джаз битер.
- Тенги кёбню джау алмаз, акъылы кёбню дау алмаз.
- Эски джаугъа ышанма.
- Тура эдим джата, къайдан чыкъды хата?
- Джашда акъыл джокъ, къартда къарыу джокъ.
- Бети къызарыучу адамны, джюреги харам болмаз.
- Биреуню эскиси биреуге джангы болмайды.
- Ариу сёз – джаннга азыкъ, аман сёз – башха къазыкъ.
- Адамны бетине къарама, адетине къара.
- Ашыкъгъан cуу, тенгизге джетмез.
Эльба - Чё 3 года
06.01.2016