- Эшекни не къадар тюйсенг да, ат болмаз.
- Орну джокъну – сыйы джокъ.
- Ишлегенде эринме, ишде чолакъ кёрюнме.
- Ашхы болсанг, атынг чыгъар, аман болсанг, джанынг чыгъар.
- Хата – гитчеден.
- Нёгер болсанг, тенг бол, тенг болмасанг, кенг бол.
- Нафысынгы айтханын этме, намысынгы айтханын эт.
- Нёгерсизни джолу узун.
- Эки къатын алгъан – эки ташны ортасына башын салгъан.
- Ётюрюкден тюбю джокъ, кёлтюрюрге джиби джокъ.
- Борчунг бар эсе, хурджунунга ойлаб узал.
- Эринчекни эр алмаз, эр алса да, кёл салмаз, кёл салса да, кёб бармаз!
- Биреу къой излей, биреу той излей.
- Ата Джуртча джер болмаз, туугъан элча эл болмаз.
- Ариу джол аджал келтирмез.
- Тойгъан джерге джети къайт.
- Уллу атлама – абынырса, уллу къабма – къарылырса.
- Ата – билек, ана – джюрек!
- Айырылгъанланы айю ашар, бёлюннгенлени бёрю ашар.
- Этни бети бла шорпасы.
- Элни кючю – эмеген.
- Огъурлуну сёзю – суу, огъурсузну сёзю – уу.
- Ёгюзню мюйюзюнден тутадыла, адамны сёзюнден тутадыла.
- Байны къызы баймакъ болса да, юйде къалмаз!
- Къан бла кирген, джан бла чыгъар.
- Чабакъгъа акъыл, табагъа тюшсе келеди.
- Ач къарынны, токъ билмез
- Айыбны суу бла джууалмазса.
- Ач къарным, тынч къулагъым.
- Экеулен сёлеше тура эселе, орталарына барыб кирме.
- Билмегенинги, билгеннге сор.
- Къартны сыйын кёрмеген, къартлыгъында сыйлы болмаз.
- Айырылмаз джууугъунга, унутмаз сёзню айтма.
- Мухар, кеси тойса да, кёзю тоймаз.
- Тенгинг джокъ эсе – изле, бар эсе – сакъла!
- Накъырданы арты керти болур.
- Кёз – сюйген джерде, къол – ауругъан джерде.
- Къозулугъунда тоймагъан, къойлугъунда тоймаз.
- Келлик заман – къартлыкъ келтирир, кетген заман – джашлыкъ ёлтюрюр.
- Башда акъыл болмаса, эки аякъгъа кюч джетер.
- Эркиши – от, тиширыу – суу.
- Ачны эсинде – аш.
- Айтылгъан сёз ызына къайтмаз.
- Джетген къыз джерли эшекни танымаз.
- Суу да къайтады чыкъгъан джерине.
- Джюрекден джюрекге джол барды.
- Кийимни бичсенг, кенг бич, тар этген къыйын тюлдю.
- Аман адам этегингден тутса, кес да къач.
- Намысы болмагъанны, сыйы болмаз.
- Ишин билген, аны сыйын чыгъарады.
Эльба - Чё 3 года
06.01.2016