Эльбрусоид :: Эльбрусоид :: Эльба

Сагъыш – къартлыкъгъа сюйюмчю.
Азыгъы аз, алгъа къабар, аты аман, алгъа чабар.
Адеб этмеген, адеб кёрмез.
Сёз сёзню айтдырыр.
Кёбню кёрген – кёб билир.
Ушамагъан – джукъмаз.
Джашынгы кесинг юретмесенг, джашау юретир.
Къарнынг бла ёч алма.
Келинин тута билмеген, къул этер, къызын тута билмеген, тул этер.
Алтыда кюлмеген, алтмышда кюлмез.
Къартха ушагъан джаш – акъыллы, джашха ушагъан къарт – тели.
Аджашхан тёгерек айланыр.
Сибиртки да сыйлы болду, кюрек да кюнлю болду.
Къарын къуру болса, джюрек уру болур.
Ана къолу ачытмаз.
Эрни эр этерик да, къара джер этерик да, тиширыуду.
Хаухну атма, ёнгкючню сатма.
Айныгъанлы алты кюн, тогъайгъанлы тогъуз кюн.
Ашыкъгъан cуу, тенгизге джетмез.
Бозанг болмагъан джерге, къалагъынгы сукъма.
Окъуу – билимни ачхычы, окъуу – дунияны бачхычы.
Ашхы болсанг, атынг чыгъар, аман болсанг, джанынг чыгъар.
Дуния аламаты сен эсенг да, игиме деб айтма.
Накъырданы арты керти болур.
Чабакъгъа акъыл, табагъа тюшсе келеди.
Джигер – джаннга къыйынлыкъ.
Уруну арты – къуру.
Игилик игилик бла сингдирилиучю затды.
Сормай – алма, чакъырылмай – барма.
Ёнгкюч къууана барыр, джылай келир.
Аджашханны ызындагъы кёреди, джангылгъанны джанындагъы биледи.
Дууулдаса – бал чибин, къонса – къара чибин.
Адеб джокъда, намыс джокъ.
Башы джабылгъан челекге, кир тюшмез.
Ашына кёре табагъы, балына кёре къалагъы.
Ишлерге уял да, ашаргъа табма.
Ишни аллы бла къууанма да, арты бла къууан.
Кесинг сынамагъан затны, адамгъа буюрма.
Хантына кёре тузу, юйюне кёре къызы.
Къызын тута билмеген, тул этер, джашын тута билмеген, къул этер.
Тёзгеннге, джабылгъан эшик ачылыр.
Ариу сёз – джаннга азыкъ, аман сёз – башха къазыкъ.
Къыйынлы джети элни къайгъысын этер.
Ёлген аслан – сау чычхан.
Джан саулукъ бермей, сан саулукъ бермезсе.
Чакъырылмагъан къонакъ къачан кетерин сормаз.
Туз, гырджын аша, тюзлюк бла джаша.
Къарыусузгъа кюлме, онгсузгъа тийме.
Орну джокъну – сыйы джокъ.
Тыш элде солтан болгъандан эсе, кесинги элде олтан болгъан игиди!