- Къонакъ кёб келюучю юйню, къазаны отдан тюшмез.
- Бет бетге къараса, бет да джерге къарар.
- Тюз сёз баргъан сууну тыяр.
- Къызбайны юйюне дери сюрсенг, батыр болур.
- Таула не мийик болсала да, аууш табылыр.
- Тешигини къатында, чычхан да батыр болур.
- Къоркъакъны кёзю экили кёрюр.
- Иги адам абынса да, джангылмаз.
- Джюрекге ариу – кёзге да ариу.
- Таукел адам тау тешер.
- Ата Джуртуму башы болмасам да, босагъасында ташы болайым.
- Ашха уста, юйюнде болсун
- Къарнынг къанлынга кийирир.
- Атынг аманнга чыкъгъандан эсе, джанынг тамагъынгдан чыкъсын.
- Эшекни не къадар тюйсенг да, ат болмаз.
- Сютден ауузу кюйген, суугъа юфгюре эди.
- Сыфатында болмагъаны, суратында болмаз.
- Алтыннга тот къонмаз.
- Тёгюлген тюгел джыйылмайды.
- Джангызны оту джарыкъ джанмаз!
- Байны оноуу, джарлыгъа джарамаз.
- Магъанасыз сёз – тауушсуз сыбызгъы.
- Эл ауузу – элек, анга ийнаннган – халек.
- Киштикге къанат битсе, чыпчыкъ къалмаз эди.
- Джыгъылгъанны сырты джерден тоймаз.
- Ана – юйню кюн джарыгъы.
- Аман къатын сабий табса, бий болур…
- Адамгъа аман кюн соруб келмейди.
- Этни бети бла шорпасы.
- Къаллай салам берсенг, аллай джууаб алырса.
- Аман хансны – урлугъу кёб.
- Адамны сабийин сюйген джюреги, бычакъча, джитиди.
- Акъыл неден да кючлюдю.
- Уллу къашыкъ эрин джыртар.
- Билим къая тешер.
- Иги сеники эсе да, сюйген кесимикин этеме.
- Ач келгенни – тойдур, кеч келгенни – къондур.
- Сютню башын джалагъан къутулур, тюбюн ичген тутулур.
- Атлыны кёрсе, джаяуну буту талыр.
- Джюрек кёзден алгъа кёрюр.
- Гырджын – тепсини тамадасы.
- Къонакъны къачан кетерин сорма, къачан келлигин сор.
- Айран тёгюлсе, джугъусу къалыр.
- Азыгъы аз, алгъа къабар, аты аман, алгъа чабар.
- Агъач халкъгъа алтынды, иссиликге салкъынды.
- Борчунг бар эсе, хурджунунга ойлаб узал.
- Ата – баланы уясы.
- Экеу тутушса, биреу джыгъылыр.
- Биреуге кёлтюрген таягъынг, кесинги башынга урур.
- Ёпкелегенни ашы татлы болады.
Эльба - Чё 3 года
06.01.2016