Эльбрусоид :: Эльбрусоид :: Эльба

Ойнаб айтсанг да, эслеб айт.
Ишни ахырын ойламай, аллын башлама.
Битмегеннге сакъал – танг.
Джаш къарыу бла кючлю, къарт акъыл бла кючлю.
Суугъа – чабакъ, къаягъа – ыргъакъ.
Таула не мийик болсала да, аууш табылыр.
Ашатыргъа иш – ашхы, ишлетирге аш – ашхы.
Къонакъны къачан кетерин сорма, къачан келлигин сор.
Керек ташны ауурлугъу джокъ.
Ушамагъан – джукъмаз.
Ана къойну – балагъа джандет.
Ашхы болсанг, атынг чыгъар, аман болсанг, джанынг чыгъар.
Урунуу – насыбны анасы.
Чакъырылмагъан джерге барма, чакъырылгъан джерден къалма.
Чабакъсыз кёлге къармакъ салгъанлыкъгъа, чабакъ тутмазса.
Тёрдеги кюлсе, эшикдеги ышарыр.
Уясында не кёрсе, учханында аны этер.
Чакъырылмагъан къонакъ тёрге атламаз.
Нёгер болсанг, тенг бол, тенг болмасанг, кенг бол.
Ана къолу ачытмаз.
Татлы сёз – балдан татлы.
«Ёгюз, джаргъа джууукъ барма, меннге джюк боллукъса», - дегенди эшек.
Суу ичген шауданынга тюкюрме.
Эринчекге кюн узун.
Аджашхан тёгерек айланыр.
Сууда джау джокъ, кёб сёзде магъана джокъ.
Джылар джаш, атасыны сакъалы бла ойнар.
Къанны къан бла джуума, аманны аман бла къуума.
Ашлыкъны арба юйге келтирир, чана базаргъа элтир.
Эри аманны, къатыны – аман.
Ёлген эшек бёрюден къоркъмайды.
Хар ишни да аллы къыйынды.
Эл тойса, тоймагъан, эл къойса, къоймагъан.
Эски джаугъа ышанма.
Тюзню ётмеги тюзде къалса да, тас болмаз.
Ханнга да келеди хариблик.
Тас болгъан бычакъны сабы – алтын.
Къумурсхала джыйылсала, пилни да джыгъадыла.
Ашын ашагъанынгы, башын да сыйла.
Аман киши кеси юйюнде – къонакъ.
Чомартха хар кюн да байрамды.
Джырчы ёлсе, джыры къалыр.
Ашхы сёз таш тешер.
Окъумагъан сокъурду, сокъур ташха абыныр!
Хазыр ашха – терен къашыкъ.
Айырылмаз джууугъунга, унутмаз сёзню айтма.
Кёпюр салгъан кеси ётер, уру къазгъан кеси кетер.
Къулакъдан эсе, кёзге ышан.
Борчунг бар эсе, хурджунунга ойлаб узал.
Бозанг болмагъан джерге, къалагъынгы сукъма.