Эльбрусоид :: Эльбрусоид :: Эльба

Кёпюр салгъан кеси ётер, уру къазгъан кеси кетер.
Эри аманны, къатыны – аман.
Ата джурт – алтын бешик.
Чомарт бергенин айтмаз.
Адам къаллай бир ишленмесе, аллай бир кесин уллу кёреди.
Къазанчы аман болса, къазаны къайнамаз.
Ариу сёз аурууунгу алыр.
Душманны тышы – акъ, ичи – къара.
Кёлю джокъну – джолу джокъ.
Кечеси – аяз, кюню – къыш, джарлы къаргъагъа бир аш тюш!
Баргъанынга кёре болур келгенинг.
Къарнынг ауруса, ауузунгу тый
Джаш къарыу бла кючлю, къарт акъыл бла кючлю.
Нарт сёз къарт болмаз.
Ашатыргъа иш – ашхы, ишлетирге аш – ашхы.
Уясында не кёрсе, учханында аны этер.
Билим – акъылны чырагъы.
Бек ашыкъгъан меннге джетсин, дегенди аракъы.
Ишленмеклик адамлыкъды.
Хаухну атма, ёнгкючню сатма.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Керти сёзге тёре джокъ.
Юй ишлеген балта эшикде къалыр.
Азыгъы аз, алгъа къабар, аты аман, алгъа чабар.
Мураты болгъанны джюрек тебюую башхады.
Татлы сёз – балдан татлы.
Кеси юйюмде мен да ханма.
Адам сёзюнден белгили.
Магъанасыз сёз – тауушсуз сыбызгъы.
Эркиши – от, тиширыу – суу.
Элге къуллукъ этмеген, элге ие болмаз.
Эр абынмай, эл танымаз.
Ашхы атаны – джашы ашхы, ашхы ананы – къызы ашхы.
Къошда джокъгъа – юлюш джокъ.
Ашхы сёз таш тешер.
Халкъны джырын джырласанг, халкъ санга эжиу этер.
Иши джокъну, сыйы джокъ.
Эки элинги тыйсанг, джети элде махталырса.
Ётюрюкден тюбю джокъ, кёлтюрюрге джиби джокъ.
Айтылгъан сёз ызына къайтмаз.
Садакъачыны джаны – къапчыгъында.
Джангыз терек къынгыр ёсер.
Кёбден умут этиб, аздан къуру къалма.
Арпа, будай – ащды, алтын, кюмюш а – ташды.
Суу кетер, таш къалыр.
Артына баргъанны, къатына барма.
Бёрю да ач къалмасын, эчки да ашалмасын.
Мадар болса, къадар болур.
Ашха уста, юйюнде болсун
Эли джокъну – кёлю джокъ.