- Къозулугъунда тоймагъан, къойлугъунда тоймаз.
- Уллу суу бла уллу ауруудан башынгы сакъла.
- Джаным-тиним – окъуу, билим.
- Окъугъанны бети джарыкъ.
- Нарт сёз – тилни бети.
- Ата Джуртча джер болмаз, туугъан элча эл болмаз.
- Бёрю да ач къалмасын, эчки да ашалмасын.
- Тойну къарнашы – харс, джырны къарнашы – эжиу.
- Таш ата билмеген, башына урур.
- Сакъламагъан затынга джолукъсанг, не бек къууанаса, не бек ачыйса.
- Джюрек кёзден алгъа кёрюр.
- Ёлген ийнек сютлю болур.
- Хар сёзню орну барды.
- Эшекни не къадар тюйсенг да, ат болмаз.
- Къонагъы джокъну – шоху джокъ.
- Биреуге аманлыкъ этиб, кесинге игилик табмазса.
- Орну джокъну – сыйы джокъ.
- Биреуню эскиси биреуге джангы болмайды.
- Юре билмеген ит, къонакъ келтирир.
- Миллетни бойну – базыкъ, аны бла кюрешген – джазыкъ.
- Джаш къарыу бла кючлю, къарт акъыл бла кючлю.
- Байлыкъдан саулукъ ашхыды.
- Ким бла джюрюсенг, аны кёзю бла кёрюнюрсе.
- Айтылгъан сёз ызына къайтмаз.
- Гырджын – тепсини тамадасы.
- Юйлю уругъа ит чабмаз.
- Ёгюзню мюйюзлери ауурлукъ этмейдиле.
- Кёзю сокъурдан – къоркъма, кёлю сокъурдан – къоркъ.
- Акъыл аздырмаз, билим тоздурмаз.
- Тенгинг джокъ эсе – изле, бар эсе – сакъла!
- Иши джокъну, сыйы джокъ.
- Ашхы тенг джолгъа салыр, аман тенг джолдан тайдырыр.
- Ат да турмайды бир териде.
- Чёбню кёлтюрсенг, тюбюнден сёз чыгъар.
- Къызны минг тилер, бир алыр.
- Кёбге таш атма.
- Огъурлуну сёзю – суу, огъурсузну сёзю – уу.
- Тёзген – тёш ашар!
- Ариу сёз джыланны орнундан чыгъарыр.
- Бети къызарыучу адамны, джюреги харам болмаз.
- Иги болса, тамадама – махтау, аман болса, меннге – айыб.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Бермеген къол, алмайды.
- Накъырда – кертини келечиси.
- Чалманны аллы къалай башланса, арты да алай барады.
- Айтханы чапыракъдан ётмеген.
- Эркиши – от, тиширыу – суу.
- Джашынгы кесинг юретмесенг, джашау юретир.
- Аман къатын сабий табса, бий болур…
- Къумурсхала джыйылсала, пилни да джыгъадыла.
Эльба - Чё 3 года
06.01.2016