- Окъугъан озар, окъумагъан тозар.
- Уллу къазанда бишген эт, чий къалмаз.
- Этни бети бла шорпасы.
- Джиби бир къат джетмей эди да, эки къат тарта эди.
- Ёзденликни джайгъан – джокълукъ.
- Адамны бетине къарама, адетине къара.
- Тёзгеннге, джабылгъан эшик ачылыр.
- Къайгъы тюбю – тенгиз.
- Узун джолну барсанг, бюгюн келирсе, къысха джолну барсанг, тамбла келирсе.
- Эрни эр этерик да, къара джер этерик да, тиширыуду.
- Акъыл сабырлыкъ берир.
- Байлыкъ болгъан джерде, тынчлыкъ джокъду.
- Келинин тута билмеген, къул этер, къызын тута билмеген, тул этер.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Къонакъ болсанг, ийнакъ бол.
- Ачны эсинде – аш.
- Юй ишлеген балта эшикде къалыр.
- Акъыллы айтыр эди, акъылсыз къоймайды.
- Аман къатын сабий табса, бий болур…
- Элге къуллукъ этмеген, элге ие болмаз.
- Бек анасы джыламаз.
- Телини эшигин, махтау джабар.
- Бёрю да ач къалмасын, эчки да ашалмасын.
- Тюзлюк шохлукъну бегитир.
- Ач къарным, тынч къулагъым.
- Киштикге къанат битсе, чыпчыкъ къалмаз эди.
- Джети тилни билген джети кишиди.
- Джарлы джети элни сёзюн этер.
- Къонакъ аман болса, къонакъбай джунчур
- Ётюрюкню башын керти кесер.
- Суугъа – таянма, джаугъа – ийнанма.
- Къууут – джелге, берне – бошха.
- Керек ташны ауурлугъу джокъ.
- Окъугъан – асыу, окъумагъан – джарсыу.
- Ётюрюкню къуйругъу – бир тутум.
- Татлы сёз – балдан татлы.
- Адамны аты башхача, акъылы да башхады.
- Ханы къызы буюгъа-буюгъа киштик болду.
- Ёмюрлюк шохлукъну джел элтмез.
- Биреу ашаб къутулур, биреу джалаб тутулур.
- Иги болса, тамадама – махтау, аман болса, меннге – айыб.
- Таш ата билмеген, башына урур.
- Ата джурт – алтын бешик.
- Джетген къыз джерли эшекни танымаз.
- Термилгенинги табмазса, кюлгенинге тюберсе.
- Рысхы – сют юсюнде кёмюк кибикди.
- Айраннга суу къош, телиге джол бош.
- Таукел къуру къалмаз.
- Адам сёзюнден белгили.
- Аман адам элни бир-бирине джау этер.
Эльба - Чё 3 года
06.01.2016