- Эл бла кёргенинг эрелей.
- Ишленмеген джаш – джюгенсиз ат, ишленмеген къыз – тузсуз хант.
- Бал ашаргъа сюе эсенг, чибин ургъаннга тёз.
- Телини эшигин, махтау джабар.
- Билмегенинги, билгеннге сор.
- Джигер – джаннга къыйынлыкъ.
- Ишге юренсин къоллары, халкъ бла болсун джоллары.
- Башынга джетмегенни сорма.
- Кёб джат да, бек чаб.
- Тай асырагъан, атха минер.
- Дууулдаса – бал чибин, къонса – къара чибин.
- Адамны сабийин сюйген джюреги, бычакъча, джитиди.
- Ётюрюкчюню шагъаты – къатында.
- Джиби бир къат джетмей эди да, эки къат тарта эди.
- Ата джурт – алтын бешик.
- Огъурлуну сёзю – суу, огъурсузну сёзю – уу.
- Атадан ёксюз – бир ёксюз, анадан ёксюз – эки ёксюз.
- Тин – байлыгъынг, терен саулугъунг.
- Джангызны оту джарыкъ джанмаз!
- Тура эдим джата, къайдан чыкъды хата?
- Босагъагъа джууукъ орун болса, ашыгъыб тёрге озма.
- Агъач халкъгъа алтынды, иссиликге салкъынды.
- Уллу сёзде уят джокъ.
- Джаралыны джастыгъында сау ёлюр.
- Чакъырылмагъан къонакъ – орунсуз.
- Башы джабылгъан челекге, кир тюшмез.
- Элни кючю – эмеген.
- Ашына кёре табагъы, балына кёре къалагъы.
- Ауурну тюбю бла, дженгилни башы бла джюрюген.
- Ашыкъгъанны этеги бутуна чырмалыр.
- Тил бла келеди джыр да.
- Кийимни бир кюнню аясанг, минг кюннге джарар.
- Аманны эки битли тону болур, бирин сеннге кийдирир, бирин кеси киер.
- Битмегеннге сакъал – танг.
- Аш кетер да бет къалыр.
- Акъыл сабырлыкъ берир.
- Накъырданы арты керти болур.
- Мал кёб болса, джууукъ кёб болур.
- Ишлегенде эринме, ишде чолакъ кёрюнме.
- Тешик этген тынчды, аны джамагъан къыйынды.
- Чомартха Тейри да борчлуду.
- Ётюрюкден тюбю джокъ, кёлтюрюрге джиби джокъ.
- Дуния малгъа сатылма, кесингден телиге къатылма.
- Къонакъ аз олтурур, кёб сынар.
- Мухардан ач ычхынмаз.
- Тамырсыз терекге таянма – джыгъылырса.
- Сибиртки да сыйлы болду, кюрек да кюнлю болду.
- Эски джаугъа ышанма.
- Кёлю джокъну – джолу джокъ.
- Чомартха хар кюн да байрамды.
Эльба - Чё 3 года
06.01.2016