Эльбрусоид :: Эльбрусоид :: Эльба

Чарсда алчыны эл кёреди.
Джырына кёре эжиую.
Тилчи бир сагъатха айлыкъ хата этер.
Джуртун къоругъан озар.
Арыгъан къош чамчы болур.
Эркишини аманы тиширыуну джылатыр.
Къан бла кирген, джан бла чыгъар.
Аш кетер да бет къалыр.
Адам туугъан джеринде, ит тойгъан джеринде.
Ана къолу ачытмаз.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Къарнынг тойгъунчу аша да, белинг талгъынчы ишле.
Окъугъан озар, окъумагъан тозар.
Бал чибинни ургъаны – ачы, балы – татлы.
Эл бла кёргенинг эрелей.
Ашхы атаны – джашы ашхы, ашхы ананы – къызы ашхы.
Сыфатында болмагъаны, суратында болмаз.
Байлыкъдан саулукъ ашхыды.
Азыкълы ат арымаз, къатыны аман джарымаз.
Рысхы – сют юсюнде кёмюк кибикди.
Аманнга алтын чыдамаз.
Сёз садакъдан кючлюдю.
Берекет берсин деген джерде, берекет болур.
Къарт бла баш аша, джаш бла аякъ аша.
Билим ат болуб да чабар, къуш болуб да учар.
Тёзгеннге, джабылгъан эшик ачылыр.
Кёкдеги болмаса, джердегин кёрмейди.
Уллу къашыкъ эрин джыртар.
Чалманны аллы къалай башланса, арты да алай барады.
Ёмюрлюк шохлукъну джел элтмез.
Келинин тута билмеген, къул этер, къызын тута билмеген, тул этер.
Иги адамны бир сёзю эки болмаз.
Джарлыны эшигин махтагъан джабар.
Бек анасы джыламаз.
Суу кетер, таш къалыр.
Суу ичген шауданынга тюкюрме.
Эр сокъур болсун, къатын тилсиз болсун.
Уллу суу бла уллу ауруудан башынгы сакъла.
Башы джабылгъан челекге, кир тюшмез.
Эртде тургъан бла эртде юйленнген сокъуранмаз.
Ач – эснер, ат – кишнер.
Башсыз урчукъ тюзюне айланмаз.
Джарашыу сюйген – джалынчакъ.
Гитче джилтин уллу элни джандырыр.
Бети къызарыучу адамны, джюреги харам болмаз.
Тас болгъан бычакъны сабы – алтын.
Таякъ этден ётер, тил сюекден ётер.
Эки элинги тыйсанг, джети элде махталырса.
Аз сёлешген, къайгъысыз турур.
Чабакъгъа акъыл, табагъа тюшсе келеди.