Эльбрусоид :: Эльбрусоид :: Эльба

Атадан ёксюз – бир ёксюз, анадан ёксюз – эки ёксюз.
Чабар ат – джетген къыз.
Эринчекни аурууу – кёб.
Къыз тиширыу кеси юйюнде да къонакъды.
Айранны сюйген, ийнек тутар.
Джолда аягъынга сакъ бол, ушакъда тилинге сакъ бол.
Таукел къуру къалмаз.
Мал кёб болса, джууукъ кёб болур.
Аш берме да, къаш бер.
Ашхылыкъ джерде джатмайды, аманлыкъ суугъа батмайды.
Кютгени беш эчки, сызгъыргъаны уа, джерни джарады.
Таш ата билмеген, башына урур.
Ариу сёзде ауруу джокъ.
Джаш къарыу бла кючлю, къарт акъыл бла кючлю.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Келинин тута билмеген, къул этер, къызын тута билмеген, тул этер.
Сабий болмагъан джерде, мёлек болмаз.
Джарлыны эшигин махтагъан джабар.
Узун джолну барсанг, бюгюн келирсе, къысха джолну барсанг, тамбла келирсе.
Тёрде – темир таякълы, къаяда – чыпчыкъ аякълы.
Ашхы атаны – джашы ашхы, ашхы ананы – къызы ашхы.
Къонакъ кёб келюучю юйню, къазаны отдан тюшмез.
Азыкъ аз болса, эртде орун сал.
Айтылгъан сёз ызына къайтмаз.
Огъурлуну сёзю – суу, огъурсузну сёзю – уу.
Джыгъылгъанны сырты джерден тоймаз.
Биреуге аманлыкъ этиб, кесинге игилик табмазса.
Суу ичген шауданынга тюкюрме.
Ханнга да келеди хариблик.
Билими азны – ауузунда кирит.
Адам къыйынлыгъын кёлтюрюр, зауукълугъун кёлтюрмез.
Къызгъанчдан ычхыныр, мухардан ычхынмаз.
Кёл – къызбай, къол – батыр.
Намысы болмагъанны, сыйы болмаз.
Аман киши кеси юйюнде – къонакъ.
Джашда акъыл джокъ, къартда къарыу джокъ.
Аш иеси бла татлыды.
Ишлерге уял да, ашаргъа табма.
Баланы адам этген анады.
Суу кетер, таш къалыр.
Оюмсуз атлагъан, аджалсыз ёлюр.
Ач бёрюге мекям джокъ.
Джумушакъ терекни къурт ашар.
Кёпюр салгъан кеси ётер, уру къазгъан кеси кетер.
Биреу ашаб къутулур, биреу джалаб тутулур.
Адам бла мюлк юлешмеген эсенг, ол адамны билиб бошагъанма, деб кесинги алдама.
Акъыллы башны – тили къысха.
Къонагъы джокъну – шоху джокъ.
Иесиз малны бёрю ашар.
Къонакъны къачан кетерин сорма, къачан келлигин сор.